டெல்லியில் கடும் பனிமூட்டம்: 22 ரயில்கள் தாமதம்

டெல்லியில் நிலவி வரும் கடும் பனிமூட்டம் காரணமாக குறைந்தது 22 டெல்லி செல்லும் ரயில்கள் ஒன்று முதல் ஆறு மணி நேரம் வரை தாமம் ஏற்பட்டுள்ளது.

டெல்லியின் சில பகுதிகளில் இன்று கடும் மூடுபனி காணப்பட்டது. இதனால் போக்குவரத்தில் இடையூறுகள் ஏற்பட்டன மற்றும் குறைந்தது 22 ரயில்கள் பாதிக்கப்பட்டன. வரும் வாரத்தில்  மிதமான மூடுபனி இருக்கும் என்றும், செவ்வாய்க்கிழமை வானம் மேகமூட்டத்துடன் காணப்படும் என்றும் லேசான மழை பெய்யக்கூடும் என்றும் இந்திய வானிலை ஆய்வு மையம் தெரிவித்துள்ளது.

இந்திய ரயில்வேயின் அறிக்கையின்படி, ஞாயிற்றுக்கிழமை டெல்லி மற்றும் பல்வேறு மாநிலங்களில் மூடுபனி நிலைமைகள் காரணமாக குறைந்தது 22 டெல்லி செல்லும் ரயில்கள் ஒன்று முதல் ஆறு மணி நேரம் வரை தாமதமாக வந்தன.

அஜ்மீர்-கத்ரா பூஜா எக்ஸ்பிரஸ், ஜம்முதாவி அஜ்மீர் எக்ஸ்பிரஸ் மற்றும் பெரோஸ்பூர்-சியோனி உள்ளிட்ட ரயில்கள் பனிமூட்டம் மற்றும் குறைந்த பார்வைத்திறன் காரணமாக 6:30 மணி நேரத்திற்கும் மேலாக தாமதமாக இயக்கப்படுகின்றன.

பூரி-புது தில்லி புருஷோத்தம் எக்ஸ்பிரஸ், கான்பூர்-புது தில்லி ஷ்ரம்சக்தி, திப்ருகார்-புது தில்லி ராஜதானி, பெங்களூர்-நிஜாமுதீன், ராஜேந்திரநகர்-புது தில்லி ராஜதானி, சஹர்சா-புது தில்லி வைஷாலி எக்ஸ்பிரஸ் உள்ளிட்ட சுமார் 11 ரயில்கள் ஞாயிற்றுக்கிழமை சுமார் 1-1.30 மணி நேரம் தாமதமாக இயக்கப்படுவதாக ரயில்வே அதிகாரி மேலும் தெரிவித்தார்.

டெல்லி, பஞ்சாப், ஹரியானா மற்றும் ராஜஸ்தானில் திங்கள்கிழமை குளிர் முதல் கடுமையான குளிர் நிலைமைகள் தொடரக்கூடும் என்றும் அதன் பிறகு குறையும் என்றும் இந்திய வானிலை ஆய்வு மையம் தெரிவித்துள்ளது.

இதற்கிடையில், தேசிய தலைநகரில் குறைந்தபட்ச வெப்பநிலை 8.2 டிகிரி செல்சியஸாக பதிவாகியுள்ளது, இது பருவத்தின் சராசரியை விட ஒரு படி அதிகமாகும். காலை 10 மணி நிலவரப்படி காற்றின் தரக் குறியீடு 341 'மிக மோசமாக' பதிவாகியுள்ளதாக மத்திய மாசுக் கட்டுப்பாட்டு வாரியம் (சிபிசிபி) தெரிவித்துள்ளது.

மேலும், டெல்லியில் நிலவும் குளிர் காரணமாக நர்சரி முதல் 5 ஆம் வகுப்பு வரையிலான மாணவர்களுக்கு அடுத்த 5 நாட்களுக்கு ஜனவரி 12 வரை பள்ளிகள் மூடப்படும் என்று டெல்லி அமைச்சர் அதிஷி இன்று அறிவித்துள்ளார்.

டெல்லியில் தொடர்ந்து குளிர் நிலவி வருவதால் வானம் சாம்பல் நிறத்தில் காணப்படுகிறது.