நீட் தேர்வு: மாணவியின் உள்ளாடையை அகற்ற சொன்ன விவகாரம் குறித்து அமைச்சர் கண்டனம்

கேரளாவின் கொல்லத்தில் ஞாயிற்றுக்கிழமை நீட் மருத்துவ நுழைவுத் தேர்வு எழுதுவதற்கு முன்பு மாணவிகள் தங்கள் உள்ளாடைகளை கழற்றுமாறு கட்டாயப்படுத்தப்பட்டதாகக் கூறப்படும் குற்றச்சாட்டுகள் குறித்து மத்திய அரசு நடவடிக்கை எடுக்க கேரள அமைச்சர் வலியுறுத்தியுள்ளார்

மாணவியின் தந்தை நேற்று ஊடகங்களுக்கு பேட்டியளித்தபோது தனது மகள், தனது முதல் நீட் வை எழுதிய மூன்று மணி நேரத்திற்கும் மேலாக "அதிர்ச்சிகரமான அனுபவத்திலிருந்து" மீளவில்லை என்று கூறியது சர்ச்சையை ஏற்படுத்தியது.

தேர்வு மையமான மார்தோமா இன்ஸ்டிடியூட் ஆப் இன்பர்மேஷன் டெக்னாலஜியில் பாதுகாப்புச் சோதனையின் போது உலோகக் கொக்கிகள் ஒலித்ததை அடுத்து சிறுமியின் உள்ளாடையை கழற்றச் சொன்னதாக தந்தை தனது புகாரில் குற்றம் சாட்டியுள்ளார்.

"உங்கள் எதிர்காலம் முக்கியமா அல்லது உள்ளாடைகள் முக்கியமா ? அதை அகற்றிவிட்டு வாருங்கள், எங்கள் நேரத்தை வீணாக்காதீர்கள் (sic)," என்று பாதுகாப்பு அதிகாரிகள் கூறியதாக தந்தையின் புகார் கூறப்பட்டுள்ளது.

மேலும், "90 சதவீத மாணவிகள் தங்களது உள்ளாடைகளை அகற்றி ஸ்டோர்ரூமில் வைக்க வேண்டியிருந்தது என்றும் புகார் கூறியுள்ளது.

கேரள உயர்கல்வித்துறை அமைச்சர் ஆர்.பிந்து, தேர்வுக் கூடத்திற்குள் நுழைவதற்கு முன், மாணவிகளின் உள்ளாடைகளை கழற்றுமாறு வற்புறுத்தியதற்கு எதிராகக் கடுமையான நடவடிக்கை எடுக்கக் கோரி, மத்திய கல்வி அமைச்சர் தர்மேந்திர பிரதானுக்குக் கடிதம் எழுதியுள்ளார்.

நீட் தேர்வில் கலந்து கொண்ட மாணவிகளின் கண்ணியம் மற்றும் கௌரவத்தின் மீதான தாக்குதல் குறித்து கேரள அமைச்சர் திகைப்பு மற்றும் அதிர்ச்சியை வெளிப்படுத்திய அமைச்சர் பிந்து, இந்த எதிர்பாராத நிகழ்வுகளின் அவமானமும் அதிர்ச்சியும் மாணவர்களின் மன உறுதியையும் அமைதியையும் பாதித்துள்ளது, அதன் விளைவாக தேர்வில் செயல்திறன் பாதிக்கப்பட்டது, நியாயமான முறையில் தேர்வை நடத்தும் பணி மட்டுமே ஒப்படைக்கப்பட்ட ஒரு நிறுவனத்திடம் இருந்து இதுபோன்ற மனிதாபிமானமற்ற நடத்தைக்கு கண்டனத்தை பதிவு செய்கிறேன் என்று அமைச்சர் கூறினார்.

இந்த புகார் என்று ஒரு பெண்ணின் தந்தை அளித்த புகார் "கற்பனையானது மற்றும் தவறான நோக்கத்துடன் பதிவு செய்யப்பட்டது" என்று கொல்லத்தில் உள்ள நீட் தேர்வு மைய கண்காணிப்பாளர் தேசிய தேர்வு முகமையிடம் தெரிவித்துள்ளார். .

தேர்வு மையம் குற்றச்சாட்டை மறுத்துள்ள நிலையில், தேசிய தேர்வு முகமை, வேட்பாளரின் பெற்றோரால் கூறப்படுவதுபோல நீட் தேர்வு ஆடைக் கட்டுப்பாடு கிடையாது என்று கூறியது.

பாதுகாப்பு சோதனையின்போது மாணவிகளின் உள்ளாடைகளை கழற்றச் சொன்னதாகக் கூறப்பட்டவர்கள் மீது கேரள போலீஸார் வழக்குப் பதிவு செய்துள்ளனர்.