லூதியானா தொழிற்சாலையில் வாயு கசிவு: 9 பேர் உயிரிழப்பு

பஞ்சாப் மாநிலம் லூதியானாவில் உள்ள கியாஸ்புரா பகுதியில் உள்ள தொழிற்சாலையில் வாயு கசிவு ஏற்பட்டதில் 9 பேர் உயிரிழந்தனர் மற்றும் 11 பேர் மயங்கி விழுந்தனர். மீட்புக் குழுவினர் சம்பவ இடத்திற்கு விரைந்துள்ளனர், மேலும் மருத்துவர்கள், ஆம்புலன்ஸ்கள் மற்றும் தீயணைப்புப் படை குழுவினரும் அந்த இடத்திற்கு அனுப்பப்பட்டனர். 

பாதிக்கப்பட்ட பகுதி சுற்றி வளைக்கப்பட்டுள்ளது. லூதியானாவின் சப் டிவிஷனல் மாஜிஸ்திரேட் ஸ்வாதி திவானா கூறுகையில், இது ஒரு வாயு கசிவு வழக்கு. மக்களை வெளியேற்ற தேசிய பேரிடர் மீட்புப் படை (NDRF) குழு அங்கு உள்ளது மற்றும் மீட்பு நடவடிக்கையில் ஈடுபடும். இந்த சம்பவத்தில் 9 பேர் இறந்தனர் மற்றும் 11 பேர் பாதிக்கப்பட்டுள்ளனர் என்று கூறினார். வாயுவின் தன்மை மற்றும் ஆதாரங்கள் இன்னும் அறியப்படவில்லை, மேலும் தேசிய பேரிடர் மீட்புப் படை குழு அதை விசாரிக்கும் என்று அவர் கூறினார்.

முதல்வர் பகவந்த் மான் கூறுகையில், மக்கள் தொகை அதிகம் உள்ள பகுதியை காலி செய்வதே உடனடி முன்னுரிமை. சாத்தியமான அனைத்து உதவிகளும் வழங்கப்பட்டு வருகிறது. மேலும் விவரங்கள் விரைவில் பகிரப்படும் என்று கூறியுள்ளார்.