மாற்றங்களை ஏற்காத மனம் இருந்தால், சூழ்நிலை கைதியாவோம்..! ஒரு மனோவியல் அலசல்..!

Struggle with Changes in Tamil, Struggle with Changes, Reason for struggling with changes, Changes Makes Changes in Life, Changes Uplift the Life

மாற்றங்கள் என்பது நிகழ்வன. நாம் விரும்பினாலும் விரும்பாவிட்டாலும் அது இயல்பான இயக்கத்தில் இருக்கும். அதுவே மாற்றம்.

பள்ளிப்படிப்பை முடித்து கல்லூரி அல்லது படிப்பை முடித்து புதிய இடங்களுக்கு வேலைக்குச் செல்லும் சிலருக்கு அங்குள்ள சில செயல்பாடுகள் அல்லது சூழல் அறியாதனவாக இருக்கலாம். ஆனால், அந்த மாற்றங்களுக்குள் நம்மை  பொருத்திக்கொள்ள விழைவதே மாற்றத்தை ஏற்றுக்கொள்வதற்கான அடையாளம்.

அந்த மாற்றங்களை ஏற்றுக்கொண்டால் மகிழ்ச்சியுடன் கல்வி அல்லது பணி தொடரும் நிலை ஏற்படும். மாற்றங்களை ஏற்றுக்கொள்ளும் மனம் வராவிட்டால் அந்த சூழலே உங்களுக்கு எதிரியாகத் தோன்றும். உடன் இருப்பவர்களும் அந்நியமாகத் தோன்றுவார்கள். எனில் படிப்பு அல்லது பணியை தொலைக்கும் நிலை வரலாம்.

மாற்றம் சில நேரங்களில் நமக்கு சங்கடமாக இருக்கலாம். ஆனால், நேர்மறையான மாற்றம் ஏற்படுவதற்கும் தனிப்பட்ட வளர்ச்சியை அடைவதற்கும் மாற்றம் மட்டுமே ஒரே வழி. இது வளமான மற்றும் நிறைவான வாழ்க்கைப் பயணத்திற்கான சாளரங்களை நமக்கு திறக்கிறது.

திறந்த மனதுடனும் ஆர்வத்துடனும் மாற்றத்தை ஏற்றுக்கொள்ளும்போது  செழுமையான மற்றும் நிறைவான வாழ்க்கைப் பயணத்திற்கு வழிவகுக்கும். மாற்றத்திலிருந்து உங்களைத் தடுத்து நிறுத்துவது எது என்று நீங்கள் அடையாளம் காண முடிந்தால், திரைக்குப் பின்னால் இருந்து இயக்கம் அந்த தடைகளை நீங்கள் களைவதற்கு சிந்திக்கத் தொடங்கலாம். உங்களைத் தடுக்கும் காரணிகளை தடுத்துச் சமாளிக்கவும், உங்கள் வளர்ச்சியை நோக்கி உங்களை நகர்த்திக்கொள்ளவும் உங்களுக்கு நீங்களே உதவுங்கள்" என்று சிகிச்சையாளர் இஸ்ரா நசீர் குறிப்பிடுகிறார். சில நேரங்களில் மாற்றம் ஏன் கடினமாக இருக்கிறது?  மாற்றத்துடன் நாம் ஏன் போராடுகிறோம் என்பதை விளக்குகிறார்.

மக்களின் கருத்துகள்:

நாம் இயல்பாகவே மகிழ்ச்சியாக இருக்கும் போது, நம்மைப் பற்றிய மற்றவர்களின் கருத்துகளைப் பற்றி நாம் அடிக்கடி கவலைப்படுகிறோம். அதிகப்படியான மாற்றம் நம்மை மாற்றும் என்று நாம் எண்ணுகிறோம். அதையொட்டி மற்றவர்கள் நம்மைப் பற்றிய கருத்தை மாற்ற முயற்சி எடுக்கிறோம். மற்றவர் கருத்துக்காக நம்மை நாம் மாற்றிக்கொள்ள முயற்சி செய்தால் நாம் நம்மை சந்தேகிக்கிறோம் என்பதே சரியானது. அதனால்தான் உண்மையான மாற்றத்தைத் தழுவுவதைத் தவிர்க்கிறோம்.

தன்னம்பிக்கை:

நாம் நம்மை மாற்றிக்கொள்வதையோ அல்லது நம்மைச் சுற்றியுள்ள மாற்றங்களைத் தழுவுவதையோ தவிர்க்கிறோம். ஏனென்றால் மாற்றத்திலிருந்து ஒரு சிறந்த நபராக வெளியே வருவதற்கு நாம் போதுமானதாக இருக்கும் என்று நாம் நம்மை நம்பவில்லை. மாற்றங்களை நம்மால் கையாள முடியாது என்ற இயலாமையை உணர்கிறோம். அது தன்னம்பிக்கையை இழந்தநிலை.

பழக்கவழக்கங்கள்:

பெரும்பாலும் ஒவ்வொருக்கும் அவரவரின் தனி பழக்கவழக்கங்கள் இருக்கும். பழக்கவழக்கங்களே ஒருவரின் இயல்பை காட்டும் கண்ணாடி. மாற்றங்களை நாம் உறுதியாக நம்புவதில்லை. மாற்றங்களை நம் வழக்கத்தின் ஒரு பகுதியாக மாற்றுவதற்கு நாம் நேரத்தை செலவு செய்ய முனைகிறோம்.எனவே, இதன்மூலமாக மாற்றங்களை ஏற்றுக்கொள்ளாமல் இருக்க முயற்சிக்கிறோம்.

ஈடுபாடு இல்லாத செயல் :

சில சமயங்களில் மாற்றத்திற்கு வழிவகுக்கும் நமது கருத்துகளை அல்லது எண்ணங்களைப் பகிர்ந்து கொள்வதில் சிரமம் ஏற்படுகிறது. எனவே, மாற்றம் நிகழும்போது, மாற்றத்தின் செயல்களில் நாம் இயங்காததால், அதிகாரம் இழந்தவர்களாக நாம் உணர்கிறோம்.

மதிப்புகள் மற்றும் நம்பிக்கைகள்:

நம்மை சுதந்திரமாக வாழ்வதற்கு ஊக்குவிக்காத வீடுகளில் வளர்க்கப்படும் போது, நமது சொந்த மதிப்புகள் மற்றும் நம்பிக்கை குறித்த குழப்பங்களுடன் நாம் வளர்கிறோம்.

தூரத்தே தூக்கி எறி :

மாற்றங்களை விரும்பாதபோது தட்டில் அதிகமாக இருக்கும்போது, நாம் சோர்வாகவும், வயிறு நிரம்பியது போலவும் உணர்கிறோம். மேலும் எந்த மாற்றம் ஏற்படுவதையும் விரும்ப மாட்டோம். மாற்றங்கள் என்பது திறந்த மனதுடன் எடுக்கப்படும் அதிக முயற்சி மற்றும் அதற்கான உழைப்பைக் குறிக்கின்றன. எனவே மாற்றங்களை ஏற்றுக்கொள்ள அவ நம்பிக்கைகளை தூரத்தே தூக்கி எறியவேண்டும். மன வேலியை உடைத்து எறிந்துவிட்டு சரியான பாதையை தேர்வு செய்வது நமது தன்னம்பிக்கை மட்டுமே.

உதாரணமாக பள்ளிப்படிப்பை முடித்து கல்லூரி செல்லும் மாணவர் சிலருக்கு அங்குள்ள மாற்றங்கள் பிரமிப்பைத் தரலாம். அதை ஏற்றுக்கொள்ளமுடியாத தாழ்வு மனப்பான்மை உருவாகலாம். நம்மால் இங்கு படிக்க முடியுமா என்று அச்சம் ஏற்படலாம். நேர்மறை சிந்தனையுடன் அதற்குள் தங்களை பொருத்திக்கொண்டு இயங்க ஆரம்பித்தால் மகிழ்ச்சியாக படிக்கத் தொடங்குவார்கள். நல்ல நண்பர்களைத் தேடிக்கொள்வார்கள். அனைவரிடமும் இயல்பாக பழகுவார்கள்.

ஆனால், அதே எதிர்மறை சிந்தனை கொண்டால், கல்லூரிச் சூழலே பிடிக்காது. யாருடனும் பேசமாட்டார்கள். இயல்பாக எல்லோருடனும் பழகமாட்டார்கள். இது அப்படியே தொடர்ந்தால் படிப்பை விட்டுக்கூட வெளியேறலாம். இதேபோல படிப்பை முடித்து புதிய இடத்துக்கு வேலைக்குச் செல்வோருக்கும் இது பொருந்தும்.

மேற்கூறிய அனைத்தையும் எதிர்கொண்டு வெற்றி பெற  ஒன்றே ஒன்றுதான் நமக்கு வேண்டும். அதன் பெயர் தன்னம்பிக்கை.

நம் மீதான நம்பிக்கை நமக்குள் கூடும்போதுதான் தன்னம்பிக்கை கூட துளிர்விடுகிறது.