Finland's best education system- உலகில் பின்லாந்து கல்வி ஏன் சிறந்து விளங்குகிறது? ஒரு விரிவான பார்வை..!

அறிவுசார் மற்றும் கல்வி சீர்திருத்தங்கள் நிறைந்த ஒரு நாடு, பல ஆண்டுகளாக பல புதுமையான மற்றும் எளிமையான மாற்றங்களைத் தொடங்கி செயல்படுத்தி வருகிறது. அவை அவர்களின் கல்வி முறையை முற்றிலும் புரட்சிகரமாக்கியுள்ளன. அவர்கள் அமெரிக்காவை விஞ்சி வெற்றி பெறுகிறார்கள்.

Finland's best education system 

அவர்கள் ரோபோ இயக்கம் போன்ற ஒரு கால அட்டவணையில் வகுப்பறைகளில் திரள்கிறார்களா? இல்லை. அரசாங்கத்தால் இயற்றப்பட்ட கல்வித் திட்டங்களை நிறைவேற்ற தேர்வுகள் எழுத  வலியுறுத்தப்படுகிறார்களா? அதுவும் இல்லை. சீருடை அணிந்து வருவதற்கு கட்டாயப்படுத்தப்படுகிறார்களா? அதுவும் இல்லை. கட்டற்ற கல்வி என்பார்களே, அது பின்லாந்தில்தான் சாத்தியம்.

பின்லாந்து பொது அறிவு நடைமுறைகள் மற்றும் ஒரு முழுமையான கற்பித்தல் சூழலை உருவாக்கி முன்னணியில் உள்ளது. பின்லாந்தின் கல்வி முறை அமெரிக்காவிலும் உலக அரங்கிலும் ஆதிக்கம் செலுத்தி  முன்னிலையில் இருப்பதற்கான காரணங்கள் கீழே தரப்பட்டுள்ளன.

வகுப்புவாரியான தேர்வுகள் இல்லை (No standardized testing)

ஏற்கனவே அச்சடிக்கப்பட்ட ஒரு பாடத்திட்டத்திற்கு மாணவர்களை தயார்செய்து அந்த பாட உணர்வுகளுக்கு ஏற்ப மாணவர்களை தயார்செய்வது என்பது அச்சடிக்கப்பட்ட போர்வையை போர்த்திக்கொள்வது போன்றது. அந்த போர்வைக்குள் அந்த அச்சடிக்கப்பட்ட விஷயங்கள் மட்டுமே இருக்கும். அதைத்தாண்டிய சிந்தனைக்கு அங்கு வழியில்லை.

முன்னரே உருவாக்கப்பட்ட வினாக்களுக்கு பதிலை வாங்கி ஒரு குறிப்பிட்ட மதிப்பெண் பெறவேண்டும் என்று மனதை வருத்தி அப்பாடா..இது மாணவர்களின் திறனை அளவிடும் வழிமுறை இல்லை. ஆசிரியர்களின் கற்பித்தல் முறையும், மாணவர் தேர்ச்சி பெறவேண்டும் என்று ஒற்றை நோக்கத்தில் மட்டுமே இருக்கும். அறிவை ஊட்டுவதற்கு அங்கு சாத்தியம் இல்லை. நிர்ணயிக்கப்பட்ட தூரத்தை நோக்கி ஓடும் ஒரு பந்தயம் போலவே கல்வி நிலை இருக்கும். மாணவர்கள் கற்றுக்கொள்வதற்கு பதிலாக மாணவர்கள் தேர்ச்சி பெற எப்படித் திணறலாம் என்பதைத் தான் கற்றுக்கொள்ளமுடிகிறது என்பது பின்லாந்து நாட்டின் வாதம்.

அதனால் பின்லாந்தில் மாணவர்களைத் தரப்படுத்த தேர்வுகள் கிடையாது. அவர்களின் ஒரே விதிவிலக்கு, நேஷனல் மெட்ரிகுலேஷன் தேர்வு. இது மேல்நிலைப் பள்ளியின் முடிவில் மாணவர்களுக்கான தன்னார்வத் தேர்வாகும். (அமெரிக்க உயர்நிலைப் பள்ளிக்கு சமம்.) பின்லாந்து முழுவதிலும் உள்ள அனைத்துக் குழந்தைகளும் அவர்களின் ஆசிரியரால் தனித்தனி அடிப்படையிலும் தர நிர்ணய முறையிலும் தரப்படுத்தப்படுகின்றனர். ஒட்டுமொத்த முன்னேற்றத்தைக் கண்காணிப்பது கல்வி அமைச்சகத்தால் மேற்கொள்ளப்படுகிறது. இவைகளை  பள்ளிகளின் வெவ்வேறு வரம்பில் உள்ள மாதிரி குழுக்கள் செய்கின்றன.

Finland's best education system 

ஆசிரியர்களுக்கான பொறுப்பு (தேவை இல்லை) (Accountability for teachers (not required))

மாணவர்கள் படிக்கவில்லையென்றால் பழி ஆசிரியர்கள் மீது செல்கிறது. சில நேரங்களில் அது சரியாக இருக்கும். ஆனால் ஃபின்லாந்தில், ஆசிரியர்களுக்கு சில கட்டுப்பாடுகள் உள்ளன. அதை அவர்கள் முழுமையாக்கவேண்டும்,அவ்வளவே. 

பாசி சால்பெர்க், ஃபின்னிஷ் கல்வி அமைச்சகத்தின் இயக்குநரும், ஃபின்னிஷ் பாடத்திட்டங்களை உருவாக்கியவருமான அவர் இப்படிக்கூறுகிறார், 'பின்லாந்தின் கல்வி மாற்றத்திலிருந்து இந்த உலகம் என்ன கற்றுக்கொள்ளலாம்? என்பதற்கு ஆசிரியர்களின் பொறுப்புக்கூறல் குறித்து பின்வருமாறு கூறினார்.

"பின்னிஷ் மொழியில் பொறுப்புக்கூறல் என்பதற்கு எந்த வார்த்தையும் இல்லை... பொறுப்புக்கூறல் என்பது பொறுப்புக் கழிக்கப்படும்போது எஞ்சியிருக்கும் ஒன்று."

- பாசி சால்பெர்க்

அனைத்து ஆசிரியர்களும் தொழிலில் நுழைவதற்கு முன் முதுகலைப் பட்டம் பெற்றிருக்க வேண்டும். கற்பித்தல் திட்டங்கள் முழு நாட்டிலும் மிகவும் கடுமையான மற்றும் தேர்ந்தெடுக்கப்பட்ட தொழில்முறைப்  பள்ளிகளாகும். ஒரு ஆசிரியர் சிறப்பாகச் செயல்படவில்லை என்றால், அதைப் பற்றி ஏதாவது நடவடிக்கை எடுப்பது பள்ளி முதல்வரின் (Principal) தனிப்பட்ட பொறுப்பாகும்.

ஆசிரியர் -மாணவர் என்று இருக்கும் இயக்கவியல் கருத்தை ஒரு சில அதிகாரத்துவ சோதனைகள் மற்றும் தரப்படுத்தப்பட்ட சோதனை நடவடிக்கைகளைக்காட்டி மாணவர்களை வடிகட்ட முடியாது. ஒவ்வொரு மாணவரின் தனிப்பட்ட சோதனை அடிப்படையில் கையாளப்பட வேண்டும்.

Finland's best education system 

போட்டி அல்ல ஒத்துழைப்பு (Cooperation not competition)

பெரும்பாலான அமெரிக்கர்களும் பிற நாடுகளும் கல்வி முறையை ஒரு பெரிய டார்வினியப் போட்டியாகப் பார்க்கும்போது, பின்லாந்து அதை வித்தியாசமாகப் பார்க்கிறது. அதற்கு சாஹ்ல்பெர்க் சாமுலி பரோனென் என்ற எழுத்தாளரின் ஒரு வரியை மேற்கோள் காட்டுகிறது:

"உண்மையான வெற்றியாளர்கள் போட்டியிட மாட்டார்கள்."

- சாமுலி பரோனென்

முரண்பாடான, இந்த அணுகுமுறை அவர்களை சர்வதேச அளவில் கல்வியில் உயர வைத்துள்ளது. பின்லாந்தின் கல்வி முறை செயற்கையான அல்லது தன்னிச்சையான தகுதி அடிப்படையிலான அமைப்புகளைப் பற்றிக் கவலைப்படுவதில்லை.

சிறப்பாகச் செயல்படும் பள்ளிகள் அல்லது சிறப்பான ஆசிரியர்களின் பட்டியல் என்று எதுவும் இல்லை. கல்வி என்பது போட்டியின் சூழல் அல்ல - மாறாக, ஒத்துழைப்பு என்பது விதிமுறை. அதாவது இது போட்டிக்கான களம் அல்ல. வாழ்க்கையை மேம்படுத்துவதற்கான ஒத்துழைப்பு.(வழிகாட்டல்).

அடிப்படைகளுக்கு முன்னுரிமை (Make the basics a priority)

பல பள்ளி அமைப்புகள், கணிதம் மற்றும் அறிவியலில் சோதனை மதிப்பெண்கள் மற்றும் புரிதலை அதிகரிப்பதில் மிகவும் அக்கறை கொண்டிருக்கின்றன. அதனால், மகிழ்ச்சியான, இணக்கமான மற்றும் ஆரோக்யமான மாணவர் மற்றும் கற்றல் சூழல் எது என்பதை மறந்துவிடுகின்றன. பல ஆண்டுகளுக்கு முன்பு, ஃபின்னிஷ் பள்ளி அமைப்பில் சில தீவிர சீர்திருத்தங்கள் தேவை என்பதை உணர்ந்தது.

பின்லாந்து, ஒருங்கிணைக்கப்பட்ட திட்ட அடிப்படைகளுக்குத் திரும்புவதில் கவனம் செலுத்தியது. இது சிறந்த மதிப்பெண்களுடன் ஆதிக்கம் செலுத்துவது அல்லது இன்னும் மதிப்பெண்ணை முன்னோக்கி உயர்த்துவது பற்றியது அல்ல. மாறாக, பள்ளிச் சூழலை மிகவும் சமமான, மதிப்புமிக்க  இடமாக மாற்ற முனைந்தனர்.

1980 களில் இருந்து, ஃபின்னிஷ் கல்வியாளர்கள் இந்த அடிப்படைகளை முன்னுரிமையாக்குவதில் கவனம் செலுத்தினர். அதன் அடிப்படையில் கல்வியாளர்கள் உருவாக்கிய கருத்துக்கள் கீழே தரப்பட்டுள்ளன:

• சமூக சமத்துவமின்மையை சமன் செய்யும் கருவியாக கல்வி இருக்க வேண்டும்.
  
• அனைத்து மாணவர்களுக்கும் பள்ளி உணவு இலவசம்.
• ஆரோக்ய பராமரிப்புச் செய்வது எளிதானது.
• உளவியல் ஆலோசனை
• தனிப்பட்ட வழிகாட்டுதல்
• சமத்துவத்தின் கூட்டுச் சூழலில் தனிமனிதனுடன் தொடங்குவது பின்லாந்தின் வழி.

Finland's best education system 

தாமத வயதில் பள்ளியைத் தொடங்குதல்(Starting school at an older age)

தொடக்கமே காலத்தை கணக்கிடுவதுதான். ஆமாம் பின்லாந்தில் மாணவர்கள் ஏழு வயதிலேயே பள்ளியைத் தொடங்குகிறார்கள். வளரும் குழந்தைப் பருவத்தில் கட்டாயக் கல்வியில் குழந்தைகள் பாதிக்கப்படாமல் இருக்கவும் குழந்தைகளுக்கான உரிமையை பேணவும் இந்த தாமத வயது வழங்கப்படுகிறது. ஏனெனில் ஒரு குழந்தை குழந்தையாக வளர அரசு அனுமதிக்க இது ஒரு வழியாகும்.

ஃபின்னிஷ் குழந்தைகள் கலந்து கொள்ள வேண்டிய கட்டாயப் பள்ளி 9 ஆண்டுகள் மட்டுமே உள்ளன. ஒன்பதாம் வகுப்பைத் தாண்டிய அல்லது 16 வயதிற்குப் பின் விருப்பத்தேர்வு மட்டுமே.

பாரம்பரிய கல்லூரி பட்டம் கடந்த தொழில்முறை விருப்பங்களை வழங்குதல் (Providing professional options past a traditional college degree)

அமெரிக்காவில் கல்விக்கான தற்போதைய குழாய் அமைப்பு நம்பமுடியாத அளவிற்கு தேக்கமாக கிடக்கிறது, மாறாமலும்.மாற்ற முடியாமலும். அதாவது ஆசிரியரிடமிருந்து ஆசிரியருக்கு தாவும் K-12 சர்க்யூட்டில் குழந்தைகள் சிக்கிக்கொண்டுள்ளனர்.

ஒவ்வொரு வகுப்பும் அடுத்த வகுப்புக்கான தயாரிப்புகள். அவ்வளவே. இந்த தயாரிப்புகளின் உச்சநிலை கல்லூரியில் முடிவடைகிறது. இது ஒரு சுழலும் பட்டிபோல அடுத்தடுத்த உயர் வகுப்புக்கு தள்ளிவிடுகிறது. அதாவது மாணவர்களை தயார்படுத்துகிறது. பல மாணவர்கள் கல்லூரிக்குச் சென்று பயனற்ற பட்டம் பெற வேண்டிய அவசியமில்லை. பட்டம் பெறுவதற்கான நோக்கத்தைக் கண்டுபிடித்துவிட்டால் தேவையில்லாத பாரிய கடனைச் சுமக்கவேண்டியதில்லையே? அதை முறியடிக்க வேண்டும்.

பின்லாந்து இந்த இக்கட்டான நிலையைத் தீர்த்து அல்லது தவிர்த்து கல்வியைத் தொடரும் மாணவர்களுக்கு சமமான அதேவேளையில் சாதகமான விருப்பங்களை வழங்குகிறது. கல்லூரியில் படிப்பவர்களுக்கு வர்த்தகப் பள்ளி அல்லது வேலை செய்யும் வகுப்பு என்ற குறைந்த கவனம் செலுத்தும் இருவகையான விருப்பங்கள் உள்ளன. இதனால் வர்த்தகம் படிக்கும் மாணவனும், வேலை செய்யும் வகுப்பில் உள்ள மாணவனும் சமமான தொழில்முறை வாய்ப்புகளை அடைவதற்கு வழி வகை செய்ய முடிகிறது. ஏனெனில் வகுப்பில் வர்த்தகம் படிக்கும் மாணவன் பாடமாகவும், வேலை செய்யும் வகுப்பில் வர்த்தகத்தை செய்முறையாகவும் கற்றுக்கொள்ளும் வாய்ப்பு வழங்கப்படுகிறது.

 இது ஒரு உளவியல் நிலைப்பாட்டிற்கான வழியாகும்.பல மாணவர்கள் தாங்கள் சிறையில் அடைக்கப்பட்டதைப் போல உணர்கிறார்கள். அதில் இருந்து அவர்களுக்கு அளிக்கப்பட்ட விடுதலைப் போலாகும். இது ஒரு கதைபோல இருந்தாலும், ஃபின்லாந்து மாணவர்களின் இந்த மனநிலையை பராமரிப்பதில் அரசு உறுதியாக உள்ளது. இதன்மூலமாக பின்லாந்தின் குழந்தைகள்  நிஜ உலகத்திற்குத் தயார்படுத்தப்படுகிறார்கள்.

Finland's best education system 

மேல்நிலைப்பள்ளி 

பின்லாந்தில், மேல்நிலைப் பள்ளி உள்ளது. இது மூன்று ஆண்டு படிப்பாகும். இது மாணவர்களை மெட்ரிகுலேஷன் தேர்வுக்கு தயார்படுத்துகிறது. இதை முடித்தவுடன் அவர்கள் ஒரு பல்கலைக்கழகத்தில் சேர்வதற்கு வாய்ப்பளிக்கிறது. இது பொதுவாக அவர்கள் "உயர்நிலைப் பள்ளியில்" படித்த காலத்தில் பெற்ற சிறப்புகளை அடிப்படையாகக் கொண்டது.

அடுத்து, தொழிற்கல்வி உள்ளது. இது மூன்று ஆண்டு படிப்பாகும். இது பல்வேறு தொழில்களுக்கு மாணவர்களுக்கு பயிற்சி அளிக்கிறது. அவர்கள் விரும்பினால், மெட்ரிகுலேஷன் தேர்வை எடுத்து பல்கலைக்கழகத்திற்கும் விண்ணப்பிக்கலாம்.

ஃபின்ஸ் குழந்தைகள் பள்ளிக்கூடம் போக நேரத்தில் தூக்கத்தில் இருந்து எழுவதில்லை (Finns wake up later for less strenuous schooldays)

பள்ளிக்கூடம் போக படுக்கையில் இருந்து சீக்கிரம் எழுந்து, குளித்தும் குளிக்காமலும், சாப்பிட்டும் சாப்பிடாமலும் பள்ளிப் பேருந்தைப் பிடிப்பது அல்லது வேறு பேருந்தை பிடிப்பது காலை நேரத்தில் அவசர அவசரமாக பாடங்களில் பங்கேற்பது என்பது ஒரு மாணவருக்கு பெரும்பாலான நேரத்தை தொலைக்கச் செய்கிறது. சில வகுப்புகள் காலை 6 மணிக்கு அல்லது 8 மணிக்கும் கூட தொடங்குகின்றன. ஆனால் மாணவர்கள் தங்கள் தூக்கத்தைக் கண்களுக்குள் வைத்துக்கொண்டு  உற்சாகமிழந்து இருப்பார்கள்.

இதை உடைக்கவே, பின்லாந்தில் உள்ள மாணவர்கள் பொதுவாக காலையில் 9:00 - 9:45 வரை எங்கு வேண்டுமானாலும் பள்ளியைத் தொடங்குவார்கள் என்ற கல்விக்கொள்கை உருவானது. அன்றைய காலைப்பொழுதின்  ஆரம்ப நேரத்தில் பள்ளிக்கூடம் போவதையே மாணவர்கள் நினைப்பதால் மாணவர்களின் நல்வாழ்வு, ஆரோக்யம் மற்றும் முதிர்ச்சிக்கு தீங்கு விளைவிக்கும் என்று ஆராய்ச்சிகள் கூறுகின்றன.

அதனால், ஃபின்னிஷ் பள்ளிகள் ஒரு நாள் விட்டு ஒருநாள் தொடங்கி வழக்கமாக 2:00 - 2:45 AM மணிக்கு முடிவடையும். அவர்களுக்கு ஒவ்வொரு பாடங்களுக்கு இடையே நீண்ட நேரம் இடைவெளி இருக்கும். அதாவது பின்லாந்து நாட்டின் நோக்கம் கல்வி என்கிற தகவலை மாணவர்களுக்கு கொண்டு சேர்ப்பது அல்ல. மாறாக முழுமையான கற்றலின் சூழலை உருவாக்குவதே.

Finland's best education system 

அதே ஆசிரியர்களிடமிருந்து நிலையான அறிவுறுத்தல் (Consistent instruction from the same teachers)

ஃபின்னிஷ் பள்ளிகளில் குறைவான ஆசிரியர்கள் மற்றும் மாணவர்கள் உள்ளனர். அதனால் ஒவ்வொரு மாணவரையும் தனித்தனியாக ஆசிரியர் அறிந்து வைத்திருப்பார். பின்லாந்தில் உள்ள மாணவர்கள் தங்கள் கல்வியின் ஆறு ஆண்டுகள் வரை ஒரே ஆசிரியரைக் கொண்டுள்ளனர்.

இந்த ஆறாண்டு காலத்தில் , ஆசிரியர் ஒரு வழிகாட்டியாக அல்லது ஒரு குடும்ப உறுப்பினராக இருந்து பாடங்களைப்  புகட்டுவார். அதனால் ஆசிரியர் ஒவ்வொரு தனி மாணவர்களின் நிலையையும் தனித்தனியாக அறிந்து வைத்திருப்பார். அந்த ஆறு ஆண்டுகளில், மாணவர்கள் மற்றும் ஆசிரியர் இடையே பரஸ்பர நம்பிக்கையும் பிணைப்பும் கட்டமைக்கப்படுகின்றன. இதனால் இரு தரப்பினரும் ஒருவரை ஒருவர் அறிந்திருப்பார்கள். அதனால் இருதரப்பிலும் மதிப்பும் மரியாதையும் பேணப்படுகின்றன.

ஒவ்வொரு மாணவருக்கும் வெவ்வேறு தேவைகள் மற்றும் கற்றல் பாணிகள் தனிப்பட்ட அடிப்படையில் மாறுபடும். ஃபின்னிஷ் ஆசிரியர்கள் இதை எளிதாக கணக்கிடலாம். ஏனெனில் அவர்கள் மாணவர்களின் சொந்த தனித்துவத் தேவைகளைக் கண்டறிந்துள்ளனர். அதனால் அவர்கள் துல்லியமாக பட்டியலிடலாம். அவர்களின் முன்னேற்றத்தை கவனித்துக் கொள்ள முடியும். அவர்களின் இலக்குகளை அடைய உதவமுடியும். ஒருவர் இல்லை என்பதால் அடுத்த ஆசிரியரிடம் செல்வது இல்லை. 

மேலும் நிம்மதியான சூழல் (A more relaxed atmosphere)

பின்லாந்து அதன் பள்ளிகளில் என்ன செய்கிறது என்பதில் அதன் தனித்தன்மையான கொள்கையைக் கொண்டுள்ளது. குறைந்த மன அழுத்தம், தேவையற்ற சுமைகளைக் குறைப்பது, அதிக அக்கறை என அடிப்படை இலக்குகளில் கவனம் செலுத்துகிறது. மாணவர்களுக்கு பொதுவாக ஒரு நாளைக்கு ஒன்றிரண்டு வகுப்புகள் மட்டுமே இருக்கும். அவர்கள் தங்கள் உணவை உண்ணவும், பொழுதுபோக்கு நடவடிக்கைகளை அனுபவிக்கவும், பொதுவாக ஓய்வெடுக்கவும் பல முறை அனுமதி உண்டு. நாள் முழுவதும் 15 முதல் 20 நிமிடங்கள் வரை குழந்தைகள் எழுந்து வெளியே செல்லலாம், புதிய காற்றை சுவாசிக்கலாம். அவர்களின் அயர்ச்சியைக் குறைக்கலாம்.

இத்தகைய சூழல் ஆசிரியர்களுக்கும் தேவை. ஃபின்னிஷ் பள்ளிகள் முழுவதும் ஆசிரியர் அறைகள் அமைக்கப்பட்டுள்ளன. அங்கு அவர்கள் அமரலாம், ஓய்வெடுக்கலாம். அந்த நாளுக்குத் தயாராகலாம் அல்லது வெறுமனே மாணவர்களுடன் பழகலாம். ஆசிரியர்களும் மனிதர்கள்தான் என்ற கொள்கையும் உறுதியாக பின்பற்றப்படுகிறது. மேலும் ஆசிரியர்கள்  தங்கள் திறமைக்கு ஏற்றவாறு செயல்படக்கூடியவர்களாகவும் இருக்க வேண்டும்.

Finland's best education system 

குறைந்த வீட்டுப்பாடம் மற்றும் வெளி வேலை தேவை(Less homework and outside work required)

OECD இன் படி, (The Organisation for Economic Co-operation and Development (OECD)) பின்லாந்தில் உள்ள மாணவர்கள் உலகில் உள்ள மற்ற மாணவர்களைக் காட்டிலும் குறைந்த அளவு வெளி வேலை மற்றும் வீட்டுப்பாடங்களைக் கொண்டுள்ளனர். அவர்கள் இரவில் அரை மணி நேரம் மட்டுமே பள்ளியில் இருந்து வேலை செய்கிறார்கள். ஃபின்னிஷ் மாணவர்களுக்கு வேலை சொல்ல அங்கு ஆசிரியர்கள் இல்லை. ஆயினும்கூட, அவை தேவையற்ற மன அழுத்தம் இல்லாத நச்சுப்பள்ளி வாழ்க்கையில் இருந்து அவர்களை விடுவிக்கிறது. அதனால் வாழ்க்கை சமநிலையைக் கொண்ட கலாசாரங்கள் அடிப்படையில் சிறப்பாக செயல்படுகின்றன.

ஒரு பாடத்தில் சிறந்து விளங்குவதால் வரும் கூடுதல் அழுத்தங்கள் இல்லாமல் ஃபின்னிஷ் மாணவர்கள் பள்ளியில் செய்ய வேண்டிய அனைத்தையும் பெறுகிறார்கள். மதிப்பெண்கள் மற்றும் பிஸியான வேலையைப் பற்றி கவலைப்படாமல், அவர்கள் கையில் இருக்கும் உண்மையான பணியில் கவனம் செலுத்த முடிகிறது. இது கற்றுக்கொள்வதை மட்டும் வளர்க்காமல் ஒரு மனிதனாக வளரவும் வகை செய்கிறது.