பரீட்சையில் Fail ஆகிட்டா, தோத்துட்டோம்ன்னு அர்த்தமா...?

தேர்வு முடிவுகளை சில ஆண்டுகளுக்கு முன்பு இருந்தை விட தற்போதய சூழல்களில் மாணவ, மாணவிகள் மிகவும் தைரியமாக எதிர்கொண்டு வருகின்றனர். இது தமிழக சமூகம் மேற்கொண்ட முயற்சிக்கு கிடைத்த பெரிய வெற்றியாக கருதப்படுகிறது. நீட் தேர்வையே அசால்ட்டாக கையாளும் அளவுக்கு தமிழக மாணவ, மாணவிகள ்திறன் பெற்றுள்ளனர்.

இருப்பினும் தேர்வு முடிவு என்பது ஏதோ ஒரு வெற்றியின் தொடக்கம். வெளிப்படையான வெற்றி ஒரு வகையான பாதை என்றால், தோல்வி அதனை விட சிறந்த பாதையாகவும் இருக்கும் எனவும் மனோதத்துவ டாக்டர்கள் கூறி வருகின்றனர்.

தேனி டாக்டர்கள் கருத்துப்படி :

பால் கொஞ்சம் தவறு செய்தால் அது தயிராகும். பாலை விட தயிருக்கு மதிப்பு அதிகம். தயிரை கடைந்தெடுத்தால், அது வெண்ணையாக மாறும். தயிர் மற்றும் பால் இரண்டையும் விட வெண்ணை மிகவும் மதிப்பு வாய்ந்தது. வெண்ணெயை உருக்கினால், சூடுபடுத்தினால் நெய்யாகிறது. எல்லாவற்றையும் விட நெய்க்கு மதிப்பு மிக அதிகம். சாதாரணமாக இருந்த பாலின் நீண்ட போராட்டமும், சவால்களும், அழுத்தமும் அதை மதிப்புமிக்க நெய்யாக மாற்றுகிறது.

திராட்சை ஜூஸ் கம்மி விலைதான். ஆனால் திராட்சை ஜூஸ் புளிப்பாக மாறினால், அது திராட்சை ஜூஸை விட அதிக விலை கொண்ட ஒயினாக மாறுகிறது. நீங்கள் தவறு செய்ததால் நீங்கள் மோசமாக இருக்கிறீர்கள் என்று அர்த்தமல்ல. தவறுகள் உங்களை மிகவும் மதிப்புமிக்க மனிதனாக மாற்றும் அனுபவங்கள். 

கொலம்பஸ் ஒரு பயண பிழையை செய்தார், வழி தவறினார். ஆனால் அது அவரை அமெரிக்காவைக் கண்டுபிடிக்கச் செய்தது. அலெக்சாண்டர் ஃப்ளெமிங்கின் தவறு அவரை பென்சிலின் கண்டுபிடிக்க வழிவகுத்தது. உங்கள் தவறுகள் உங்களை வீழ்த்த மட்டும் விடாதீர்கள். அந்த தவறுகள் உங்களை செம்மைப்படுத்தும். எந்த திசை, எந்த திட்டம், எந்த செயல்முறை என்பதை உங்கள் தவறுகள் உங்களுக்கு அடையாளம் காட்டும். தவறுகளில் இருந்து என்ன நாம் கற்கிறோமோ அதுவே சரியானவை. அதனால் தேர்வில் பெயில் ஆயிட்டா... தோத்துட்டோம்னு அர்த்தமில்லை. மிகப்பெரிய வெற்றியை பெறப்போகிறோம் என்று அர்த்தம். இவ்வாறு கூறினர்.