அஜித்தின் 62வது படத்தின் படப்பிடிப்பு எப்போது?

ak 62 update -நடிகர் அஜித்தின் அடுத்த படமான 'அஜித் 62' படப்பிடிப்பு துவங்கும் தேதி குறித்து அறிவிப்பு வெளியாகியுள்ளது.

நடிகர் அஜித்தின் துணிவு படத்தின் போஸ்டர்கள் மற்றும் சிங்கிள் பாடல்கள் ரசிகர்கள் மத்தியில் நல்ல வரவேற்பை பெற்று வருகின்றன. எச்.வினோத் இயக்கத்தில் உருவாகியுள்ள இந்த படத்தை நிரவ் ஷா ஒளிப்பதிவு செய்ய, போனி கபூர் தயாரித்து வெளியிடுகிறார்.

கலை இயக்குனராக மிலனும், சண்டை காட்சிகளை சுப்ரீம் சுந்தர் வடிவமைப்பு செய்கிறார்‌‌. இந்த படத்தின் இசையமைப்பாளராக ஜிப்ரான், எடிட்டராக விஜய் வேலுக்குட்டி பணியாற்றியுள்ளனர். துணிவு படத்தின் படப்பிடிப்பு ஐத்ராபாத், சென்னை, விசாகப்பட்டினம், பாங்காக் ஆகிய நகரங்களில் நடைபெற்றது. மேலும் இறுதிக்கட்ட படப்பிடிப்பு சென்னையில் நிறைவுற்றது.

துணிவு படத்தின் தமிழக ரிலீஸ் உரிமத்தை உதயநிதி ஸ்டாலினின் ரெட் ஜெயன்ட் மூவிஸ் நிறுவனம் கைப்பற்றி உள்ளது. மேலும் ஒட்டுமொத்த வெளிநாட்டு உரிமத்தை லைக்கா நிறுவனம் கைப்பற்றியுள்ளது.

இதனிடையே நமது பிஹைண்ட்வுட்ஸ் சேனலுக்கு துணிவு படத்தில் நடித்துள்ள நடிகர்கள் பால சரவணன், பக்ஸ் பேட்டி அளித்துள்ளனர். அதில் "துணிவு படத்தின் டிரெய்லர் எப்போ ரிலீஸ் ஏதேனும் தகவல் இருக்கா?. புத்தாண்டு அன்று மாலை டிரெய்லர் ரிலீஸ் ஆகுறதா கேள்விப்பட்டோம்" என்ற கேள்விக்கு நடிகர் பக்ஸ், "அப்படி தான் நாங்களும் கேள்விப்பட்டோம். அதுவும் மீடியாவில் இருந்து கேள்விப்பட்டது தான். துணிவு படக்குழுவில் இருந்து இல்லை" என பக்ஸ் கூறியுள்ளார்.

ajith 62 movie update

இந்த நிலையில், நடிகர் அஜித்குமாருடன் கூட்டணி சேர்ந்து விக்னேஷ் சிவன் இயக்கத்தில் அடுத்த படத்திற்கு 'அஜித் 62' எனப் பெயரிடப்பட்டுள்ளது. இந்த படம் துணிவு படத்தின் வெளியீட்டுக்கு முன்னரே விக்னேஷ் சிவன் இயக்கத்தில் அஜித் அடுத்து நடிக்க உள்ள 'அஜித் 62' படத்தின் அறிவிப்பு வெளியாகி ரசிகர்களுக்கு இரட்டிப்பு மகிழ்ச்சியை ஏற்படுத்தியுள்ளது.

ajith 62 movie shooting date

ஏற்கெனவே வெளியான அப்டேட்டின்படி 'அஜித்தின் 62வது திரைப்படத்தை லைகா நிறுவனம் தயாரிக்க உள்ளதாக அதிகாரப்பூர்வமாக அறிவிக்கப்பட்டுள்ளது. மேலும் விக்னேஷ் சிவன் இயக்கத்தில் அனிருத் இசையில் இந்த படம் உருவாக இருப்பதாகவும் அறிவிக்கப்பட்டது.

இதனைத்தொடர்ந்து தற்போது 'அஜித் 62' படத்தின் படப்பிடிப்பு ஜனவரி 2வது வாரத்தில் மும்பையில் துவங்கி நடைபெறவுள்ளதாக தகவல்கள் வெளியாகியுள்ளது.

நடிகர் அஜித்தின் படங்கள் என்றாலே பொதுவாக ரசிகர்களிடையே பெரும் வரவேற்பையும், கொண்டாட்டத்தையும் உருவாக்கி மிகப்பெரிய வசூலை குவிக்கும் என அனைவருக்கும் தெரிந்ததே. ஏனென்றால் தமிழ் திரையுலகில் அஜித்குமாருக்கென தனி ரசிகர் பட்டாளம் அதிகம் என்றே கூறலாம். அப்படி இருக்கு இவரின் படமான துணிவும், விஜய்யின் வாரிசும் பொங்கலுக்கு மோதவுள்ளதால் யாருக்கு வசூலைக் குவிக்கும் என எதிர்ப்பார்க்கப்படுகிறது.