ரெட்ஜெயண்ட் வெளியிடப் போகும் வெற்றிமாறன் படம்..!

Red Giant Movies -இயக்குநர் வெற்றிமாறன் தற்போது, 'விடுதலை' எனும் படத்தை இயக்கி வருகிறார். இப்படம் எழுத்தாளர் ஜெயமோகனின் 'துணைவன்' சிறுகதையை மையமாகக் கொண்டதாகும். படத்தின் நாயகனாக போலீஸ் கதாபாத்திரத்தில் நடிகர் சூரியும் வாத்தியார் கதாபாத்திரத்தில் விஜய் சேதுபதியும் நடிக்கின்றனர்.

மேலும், பவானி ஸ்ரீ, இயக்குநர் கௌதம் வாசுதேவ் மேனன், பிரகாஷ்ராஜ் ஆகியோர் முக்கியக் கதாபாத்திரங்களில் நடிக்கும் இப்படத்திற்கு இசைஞானி இளையராஜா இசையமைக்கிறார். இதன்மூலம் இளையராஜா - வெற்றிமாறன் கூட்டணியில் உருவாகும் முதல் படம் என்கிற சிறப்பையும் இப்படம் பெறுகிறது.

இந்தநிலையில், உதயநிதி ஸ்டாலினின் ரெட்ஜெயண்ட் நிறுவனம் அதிகாரப் பூர்வமான அறிவிப்பொன்றை வெளியிட்டுள்ளது. அந்த அறிவிப்பில், இயக்குநர் வெற்றிமாறனின் 'விடுதலை' படத்தை ரெட்ஜெயண்ட் நிறுவனம் வெளியிடப் போவதாகத் தெரிவித்துள்ளது. அத்துடன், படத்தில் சூரி, விஜய்சேதுபதி தோன்றும் போஸ்டர்களையும் வெளியிட்டுள்ளது. மேலும், விரைவில் இப்படம் திரையரங்குகளில் வெளியாகவிருப்பதாகவும் தெரிவிக்கப்பட்டுள்ளது.

அடுத்த முக்கியமான செய்திகளை தெரிந்துகொள்ள: Click Here-1, Click Here-2