The GOAT படம் இப்படித்தான் இருக்கும்.! உண்மையைச் சொன்ன VP!

தளபதி விஜய்யின் GOAT திரைப்படம் வெளியாவதற்கு இன்னும் சில தினங்களே உள்ள நிலையில், ரசிகர்களின் எதிர்பார்ப்பு எல்லை மீறி எகிறியுள்ளது. ஏஜிஎஸ் நிறுவனத்தின் தயாரிப்பில், இயக்குனர் வெங்கட் பிரபுவின் திறமையான கைவண்ணத்தில் உருவாகியுள்ள இத்திரைப்படம், செப்டம்பர் 5ஆம் தேதி உலகமெங்கும் வெளியாக உள்ளது. விஜய், சினேகா, லைலா, பிரஷாந்த், பிரபு தேவா, மோகன் உள்ளிட்ட பல நட்சத்திரங்கள் இணைந்துள்ள இப்படத்திற்கு யுவன் ஷங்கர் ராஜா இசையமைத்துள்ளார்.

சமீபத்தில் வெளியான ட்ரைலர் ரசிகர்களின் ஆவலை மேலும் தூண்டியுள்ள நிலையில், இயக்குனர் வெங்கட் பிரபு, நமது சினிஉலகம் யூடியூப் சேனலுக்கு அளித்த பிரத்யேக பேட்டியில், பல சுவாரஸ்யமான தகவல்களை பகிர்ந்துள்ளார்.

"GOAT திரைப்படம், ரஜினிகாந்தின் சிவாஜி படத்தைப் போன்று, அனைத்து தரப்பு ரசிகர்களையும் கவரும் வகையில் உருவாக்கப்பட்டுள்ளது. பாடல்கள், நகைச்சுவை, கொண்டாட்டம், குடும்ப உறவுகள் என அனைத்தும் கலந்த கலவையாக இத்திரைப்படம் அமையும்" என்று வெங்கட் பிரபு தனது நம்பிக்கையை வெளிப்படுத்தியுள்ளார்.

இந்த தலைமுறையின் 'சிவாஜி'யாக GOAT திகழும் என்ற வெங்கட் பிரபுவின் கூற்று ரசிகர்களிடையே மேலும் எதிர்பார்ப்பை அதிகரித்துள்ளது. தளபதி விஜய்யின் நடிப்பில், வெங்கட் பிரபுவின் இயக்கத்தில், யுவன் ஷங்கர் ராஜாவின் இசையில் உருவாகியுள்ள இப்படம், நிச்சயம் ஒரு மறக்க முடியாத திரை அனுபவமாக அமையும் என்பதில் எவ்வித ஐயமும் இல்லை.