சூர்யா 43 ல் யார் தான் ஹீரோயின்? நஸ்ரியா இல்லையாமே?

தமிழ் சினிமாவின் முன்னணி நடிகர் சூர்யா நடிப்பில், சுதா கொங்கரா இயக்கத்தில் விரைவில் புதிய படத்தில் நடிக்க இருக்கிறார். இந்தப் படத்தின் ஷூட்டிங் அடுத்த ஆண்டு பிப்ரவரியில் துவங்கும் என்று கூறப்படுகிறது. சென்னை, கோயம்புத்தூர், டெல்லி உள்ளிட்ட பல்வேறு இடங்களில் படப்பிடிப்பு நடத்த திட்டமிட்டு வருகிறார்கள்.

இந்த படத்தில் சூர்யாவுடன் முக்கிய கதாபாத்திரத்தில் மலையாள உலகின் இளம் கதாநாயகன் துல்கர் சல்மான் இணையவுள்ளார். பல ஆண்டுகளாக தமிழில் நேரடியாக நடிக்காமல் இருந்து வரும் நஸ்ரியா பஹத் இப்போது சூர்யா படத்தில் மீண்டும் தமிழில் எண்ட்ரி ஆகிறார். இவர்களைத் தவிர இன்னும் பல முன்னணி நட்சத்திரங்கள் இந்தப் படத்தில் நடிக்கிறார்கள் என்று கூறப்படுகிறது.

இந்தப் படத்தின் தயாரிப்பாளர் 2டி நிறுவனம் சார்பில் ஜோதிகா தயாரிக்கிறார். இப்படத்திற்கு ஜி.வி.பிரகாஷ் இசையமைக்கிறார். சூரரைப் போற்று படத்துக்கு பிறகு சுதா கொங்கரா, சூர்யா இணையும் படத்துக்கு ஜிவி பிரகாஷ் இசையமைக்கிறார்.

ஹீரோயின் யார்?

சூர்யா 43 படத்தில் சூர்யாவுக்கு ஜோடியாக கதாநாயகியாக நடிக்க யார் ஒப்பந்தமாகியுள்ளார் என்கிற தகவல் இன்னும் வெளியாகவில்லை. நஸ்ரியா சூர்யாவுக்கு ஜோடி இல்லை என்று கூறப்படுகிறது. அநேகமாக அவர் துல்கர் சல்மான் ஜோடியாக நடிப்பார் என்று எதிர்பார்க்கப்படுகிறது. ஒருவேளை சூர்யா 43 படத்தில் அவருக்கு ஜோடியாக ஸ்ரீநிதி ஷெட்டி அல்லது மீனாட்சி சவுத்ரி இருவரில் ஒருவர் நடிக்கலாம் என்று கூறப்படுகிறது.

அப்டேட்

சூர்யா 43 படத்தின் ஷூட்டிங் தொடங்க நாட்கள் இருந்தாலும், இப்போதே படத்தை அறிவிப்பதற்கான காரணம் குறித்து சரியான விவரங்கள் தெரியவில்லை. ஆனால் சூர்யா இப்போது நடித்து வரும் கங்குவா படம் முடிய இன்னும் இரண்டு மாதங்கள் இருக்கின்றன. இந்தப் படத்தில் சூர்யா இரண்டு கதாபாத்திரத்தில் நடிக்கிறார் என்று கூறப்படுகிறது. இந்தக் கதாபாத்திரத்திற்காக சூர்யா தற்போது சிறப்பு பயிற்சி பெற்று வருகிறார்.

இந்தப் படத்தின் ரிலீஸ் தேதி குறித்து இதுவரை எந்த அறிவிப்பும் வெளியாகவில்லை. ஆனால், இந்தப் படம் 2024 ஆம் ஆண்டில் வெளியாகும் என்று எதிர்பார்க்கப்படுகிறது.

ரசிகர்களின் எதிர்பார்ப்பு

சூர்யா - சுதா கொங்கரா கூட்டணி மீது ரசிகர்கள் மிகுந்த எதிர்பார்ப்புடன் உள்ளனர். இந்தப் படம் சூர்யாவின் 43வது படம் என்பதால், இது ஒரு முக்கியமான படமாக கருதப்படுகிறது.

இந்தப் படம் ஒரு அரசியல் திரில்லராக உருவாக இருப்பதாக தகவல்கள் வெளியாகியுள்ளன. இந்தப் படம் ரசிகர்களின் எதிர்பார்ப்பை பூர்த்தி செய்யும் என்று நம்பப்படுகிறது.முக்கியமாக ஹிந்தி எதிர்ப்பு போராட்டம் குறித்து நிறைய காட்சிகள் இருப்பதாகவும் கூறப்படுகிறது.