செய்தி வாசிப்பது சுலபமல்ல? நேரலை அனுபவங்களை பகிர்கிறார் ரஞ்சித்

முதலில், உள்ளூர் செய்திகளுக்கு முக்கியத்துவம் தந்து, 234, தொகுதிகளுக்கும் சுடச்சுட  செய்திகளை வெளியிட்டு வரும் இன்ஸ்டாநியூஸ், இணையதளத்திற்கு வாழ்த்துகளும்,  நன்றிகளும். செய்தி வாசிப்பாளர்களில் தனித்துவமாக திகழ்வதாக குறிப்பிட்டது மிக்க மகிழ்ச்சி அளிக்கிறது. கடந்த 2008ம் ஆண்டு முதல், செய்தி வாசிப்பாளராக இருந்து வருகிறேன். கிட்டத்தட்ட 13 ஆண்டுகள் இத்துறையில் நிறைவு செய்துவிட்டேன்.

செய்தி வாசிப்பாளராக பணியை தொடங்கும் முன்பே, 'டாப் 10' சினிமா நிகழ்ச்சியை தொகுத்து வழங்கிய சுரேஷ் சாரை எனக்கு ரொம்பவே பிடிக்கும். இத்துறையில் நான் நுழைந்த பிறகு என்னை கவர்ந்தவர், செய்திவாசிப்பாளராக இருந்த, காலஞ்சென்ற சொக்கலிங்கம் ரவி சார் தான், எனக்கு முன்மாதிரியாக இருந்தார்.

நீங்கள் சொல்வது முற்றிலும் சரிதான். பேப்பரை பார்த்து அல்லது பிராம்ப்டரை பார்த்து வாசிப்பதுதானே, இதென்ன பிரமாதம் என்று பலரும் நினைக்கின்றனர். ஆனால், உண்மையில் அப்படியல்ல. பிராம்ப்டரில் எழுத்துகள் செல்லும் வேகத்திற்கு நாம் படிக்க வேண்டும். ஓரிரு எழுத்துகள் விடுபட்டோ, சின்ன சின்ன தவறுகள் இருக்கும். அதையும் நாம் சரியாக வாசிக்க வேண்டும். குளறுபடி ஏற்பட்டால், லாவகமாக சமாளிக்க வேண்டும்.

வாசிக்க வேண்டிய செய்தித் தொகுப்பு என்பது, குறைந்தபட்சம் 5 நிமிடம் முன்பாகவே தெரிந்துவிடும். எனவே, செய்தி அறைக்கு செல்லும் முன்பாக, ஒரு சில நிமிடங்கள் செய்தி ஆசிரியர்களின் அறைக்கு சென்று, செய்திகளை ஒருமுறை வேகமாக படித்து வருவோம். இது, உதவிகரமாக இருக்கும். எழுத்து உச்சரிப்பு, பிழையின்றி வாசிப்பது, நாட்டு நடப்புகளை தெரிந்து வைத்துக் கொள்வது, ஒரு நல்ல செய்தி வாசிப்பாளருக்கு மிகவும் அவசியமானது.

குரல் வளம், கடவுளின் ஆசி. அதே நேரம், இதற்காக பிரத்யேகமாக நான் மெனக்கெடவில்லை. ஐஸ்கிரீம் சாப்பிடுவேன். உணவில் எந்த கட்டுப்பாடும் இல்லை. குளிர்ந்த நீரை மட்டும் பருகுவதை தவிர்க்கிறேன். அவ்வளவுதான்.

அடடா, என்னை வயதானவனாக்கி விட்டீர்களே! (சிரிக்கிறார்) அப்போதெல்லாம் அடிக்கடி லைவ் செய்தி, நிருபர்களுடன் நேரடியாக களநிலவரத்தை கேட்பது போன்றவை இருக்காது. பெரும்பாலும் செய்தித் தொகுப்பை வாசிப்பது மட்டுமே செய்தியாக இருந்தது. இப்போதோ, சுடச்சுட செய்திகளை தந்தாக வேண்டிய கட்டாயம். எனவே, திடீரென ஒரு போராட்டம் என்றாலும், செய்தி நேரலையாகிவிடும். செய்தியாளருடன் செய்தி வாசிப்பாளர் கலந்துரையாட வேண்டியிருக்கும். எனவே, எந்த சூழலையும் கையாளும் வகையில் தயாராக இருக்க வேண்டும்.

சில நேரங்களில் உணர்ச்சிபூர்வ செய்திகளை வாசிக்க வேண்டிய சூழல் ஏற்படும். முக்கிய புள்ளிகளின் மறைவை வாசிக்கும் போது வருத்தமாக இருக்கும். சோகம் கலந்து வாசிக்க நேரிடும். முன்னாள் முதல்வர் ஜெயலலிதாவின் மறைவுச் செய்தியை வாசித்தபோது, உண்மையிலேயே துக்கத்தை தாங்கிக் கொள்ள முடியவில்லை. அதே நேரத்தில், செய்தி நேரலையில் அதை வெளிப்படுத்தவும் முடியாது.

முன்னாள் முதல்வர் கலைஞர் கருணாநிதி, அம்மையார் ஜெயலலிதா, பாடகர் எஸ்.பி.பி. ஆகியோரின் மறைவின் போது, அவர்கள் குறித்த செய்தித் தொகுப்பிற்கு சோகத்தோடு குரல் கொடுத்தது, மறக்க முடியாத சோகமான தருணங்கள்.

இதுவரை 99 சதவீதம் அப்படி நடந்ததில்லை. ஒருமுறை மட்டுமே சரியான நேரத்திற்கு செல்ல முடியாமல் போய்விட்டது. அதுவும், இரவில் நன்கு தூங்கிவிட்டதால், அடுத்த நாள் காலை 6 மணி செய்தியை வாசிக்க செல்வதில் தாமதமாகிவிட்டது. இரவுப் பணியில் இருந்த செய்தி வாசிப்பாளரே, காலைச் செய்தியையும் வாசித்தார். அதுதான் எனக்கு ஏற்பட்ட தர்ம சங்கடமான சூழ்நிலை. மற்றபடி, பொதுவாக செய்தி வாசிக்கும் நேரத்திற்கு ஒருமணி நேரம் முன்பே செய்தி அறைக்கு சென்றுவிடுவதுதான் எனது வழக்கம்.

இதில், பெரும்பாலும் பிரச்சனை வர வாய்ப்பு குறைவு. ஒருவேளை தொழில் நுட்பப் பிரச்சனை ஏற்பட்டால், அதே செய்தித் தொகுப்பு எங்கள் முன்பு உள்ள லேப்டாப்பிலும் இருக்கும். எனவே, நிலைமையை சமாளித்துவிடலாம்.

சின்னத்திரையில் இருந்து வெள்ளித் திரைக்கு செல்ல கசக்கவா செய்யும்? இதுவரை சினிமாக்களில் நிருபராகவோ அல்லது செய்தி வாசிப்பாளராகத்தான் தோன்றி, நடித்திருக்கிறேன். சிங்கம், கொடி, விக்ரம் வேதா, நிபுணன் போன்ற படங்களில் தோன்றி இருக்கிறேன். திரைப்படத்தில் நடிக்கும் திட்டம் உள்ளது. நல்ல பாத்திரமும், உரிய தருணமும் வாய்ப்பும் அமையும் போது, நிச்சயம் பயன்படுத்திக் கொள்வேன்.

எனது அம்மா பெயர் ஜானகி. அப்பா, காலஞ்சென்ற ராஜதுரை. எனக்கு எல்லா வகையிலும் ஊக்கப்படுத்தி உற்சாகமூட்டுபவர், என் மனைவி பிரியா. எங்களது ஒரே பாச மகள் ரன்யா. அண்ணன் ராஜேஷ், அக்கா ராஜஸ்ரீ. என்னுடைய வளர்ச்சிக்கு ஆரம்ப காலத்தில் அம்மா எப்படி ஊக்கமாக இருந்தார்களோ, அதைவிட இரு மடங்கு என் மனைவி இப்போது பக்கபலமாக இருந்து வருகிறார். செய்திகளில் சிறு தவறு தெரிந்தாலும் அதை சுட்டிக் காட்டும் முதல் வாசகர் அவர்தான்.

ஆமாம். செய்தி வாசிப்பாளராக விரும்புவோருக்கு ஆலோசனைகளை வழங்குகிறேன். அதுமட்டுமின்றி, Ranya News Reading Academy என்ற பெயரில், செய்தி வாசிப்பாளர்களுக்கு பயிற்சி வகுப்புகளை நடத்தி வருகிறேன். தமிழ் படிக்கத் தெரியும். ஆனால் செய்தி வாசிக்கத் தெரியாதே என்று, இத்துறைக்கு வர விரும்புவோருக்கு பயிற்சி அளித்து வருகிறேன்.

இதுவரை 7 பேட்ச் முடிந்துள்ளது. எங்களிடம் பயிற்சி பெற்றவர்கள் தற்போது காட்சி ஊடகங்களில் செய்தி வாசித்து வருவது எனக்கு உள்ளபடியே மகிழ்ச்சியாகவும், திருப்தியாகவும் உள்ளது.