9 மணி காட்சி இருக்கா? வெளியீட்டுக்கு தயாரான லியோ!

லியோ திரைப்படம் தமிழகம் முழுக்க 900 திரையரங்குகளிலும், ஐமேக்ஸ் திரையரங்குகளிலும் உலகம் முழுவதும் வெளியிடப்பட தயாராக இருக்கிறது என தகவல் வெளியாகியுள்ளது. இதனால் விஜய் ரசிகர்கள் மிகவும் உற்சாகமடைந்துள்ளனர்.

தமிழ் சினிமாவின் முன்னணி இயக்குனர் லோகேஷ் கனகராஜ் இயக்கத்தில், விஜய் நடித்துள்ள லியோ படத்தின் வெளியீட்டுக்கு தயாராகி வருகிறது. இப்படத்தில் த்ரிஷா, சஞ்சய் தத், அர்ஜுன், இயக்குநர்கள் மிஷ்கின், கௌதம் மேனன் உள்ளிட்ட பல பிரபலங்கள் நடித்துள்ளனர்.

பெரிய நட்சத்திர பட்டாளமே இருப்பதால் இந்த படத்தில் பல முக்கிய காட்சிகளில் குழப்பம் ஏற்படாமல் இருக்க அதற்கு தகுந்தவாறு திட்டமிட்டு லோகேஷ் கனகராஜ் ஷூட்டிங் ஏற்பாடு செய்தாராம். விஜய் சொன்ன பிறகு பேப்பரில் அனைத்தையும் சரியாக திட்டமிட்டே ஷூட்டிங் சென்றிருக்கிறார். 

படத்தில் வைப் தரும் 2 இடங்கள் வருகிறதாம். மாஸ்டர் படத்தில் கபடி கபடி பாடல் போல, திரிஷா - விஜய் காட்சி ஒன்றில் பழைய நினைவுகளை மீட்டுத் தரும் ஒரு பிஜிஎம் வருகிறதாம். மேலும் ஒரு டயலாக்கும் பழைய திரைப்படத்தை நினைவுபடுத்தும் வகையில் இருக்கிறதாம். 

படத்தின் எடிட்டிங் மற்றும் விஎஃப்எக்ஸ் பணிகள்

இப்படத்தின் எடிட்டிங் பணிகள் நிறைவடைந்து விட்டது. அடுத்து விஎஃப்எக்ஸ் பணிகள் நடைபெற்று வருகின்றன. இந்த பணிகள் முடிந்த பிறகு எஞ்சியுள்ள டப்பிங் பணிகள் மேற்கொள்ளப்படும். அக்டோபர் 19ஆம் தேதி இப்படம் வெளியாக உள்ளதால் இயக்குநர் லோகேஷ் கனகராஜ் படத்தின் தரத்தை தீவிரமாக மேம்படுத்திக் கொண்டிருக்கிறார். இப்படத்தின் இரண்டாவது பாடலும் விரைவில் வெளியாக உள்ளது.

தெலுங்கு, கன்னடம், ஹிந்தி போஸ்டர் வெளியீடு

லியோ படத்தின் தெலுங்கு, கன்னடம், ஹிந்தி போஸ்டர் வெளியாகி நல்ல வரவேற்பை பெற்றது. ”Keep calm and avoid the battle” என்ற வாசகங்களுடன் வெளியான போஸ்டர்கள் இணையத்தில் வைரலானது. அவ்வப்போது வெளிவரும் இதுபோன்ற அப்டேட்டுகள் ரசிகர்களின் எதிர்பார்ப்பை அதிகரிக்க செய்துகொண்டிருக்கிறது.  தமிழ் ரசிகர் மட்டுமின்றி கேரளா, ஆந்திரா ரசிகர்களும் லியோ படத்துக்கு அதிக எதிர்பார்ப்புடன் காத்திருக்கின்றனர்.

900 திரையரங்குகளில் தமிழ்நாட்டில் வெளியீடு

இந்நிலையில், இப்படத்தை தமிழ்நாட்டில் 900 திரைகளில் வெளியிட லியோ படத்தின் வெளியீட்டு நிறுவனம் முடிவு செய்துள்ளதாக தகவல் வெளியாகியுள்ளது. மேலும் இந்த திரைப்படம் வரும் அக்டோபர் 19ஆம் தேதி உலகம் முழுவதும் ஐமேக்ஸ் தொழில்நுட்பம் கொண்ட திரையரங்கிலும் வெளியாகவுள்ளது. மேலும் அதுமட்டுமின்றி இங்கிலாந்து, சிங்கப்பூர் உள்ளிட்ட பல்வேறு நாடுகளிலும் லியோ திரைப்படம் ஐமேக்ஸ் திரையரங்குகளில் வெளியாக உள்ளது குறிப்பிடத்தக்கது.

விஜய் ரசிகர்கள் உற்சாகம்

லோகேஷ் கனகராஜ் இயக்கத்தில் விஜய் நடித்துள்ள இரண்டாவது படம் என்பதால், இந்த படத்தின் மீது ரசிகர்கள் மிகுந்த எதிர்பார்ப்பில் உள்ளனர். லியோ படத்தின் வெளியீட்டுக்கு இன்னும் ஒரு மாதம் மட்டுமே உள்ள நிலையில், ரசிகர்கள் சமூக வலைதளங்களில் படத்தின் அப்டேட்டுகளை தொடர்ந்து கண்காணித்து வருகின்றனர்.

லியோ படத்தின் கதை

லியோ படத்தின் கதை குறித்து அதிகாரப்பூர்வ தகவல்கள் வெளியாகவில்லை. இருப்பினும், இந்த படம் ஒரு அதிரடித் திரில்லர் படம் என்று கூறப்படுகிறது. இப்படத்தில் விஜய் ஒரு ரகசிய உளவாளியாக நடிப்பதாக தகவல்கள் வெளியாகியுள்ளன.

லியோ படத்தின் வெளியீடு ரசிகர்களுக்கு ஒரு பெரிய கொண்டாட்டமாக இருக்கும் என்று எதிர்பார்க்கப்படுகிறது.