பிக்பாஸில் கயல் சீரியல் நடிகை? நிஜமாவா?

கமல்ஹாசன் தொகுத்து வழங்கி வரும் பிக்பாஸ் தொடரின் அடுத்த சீசனில் கயல் சீரியல் நடிகை கலந்துகொள்ள இருக்கிறாராம். இதனால் விஜய் டிவிக்கு எப்படி சன்டிவி நடிகை செல்வார் என ரசிகர்கள் ஆர்வத்துடன் கேள்வி எழுப்பி வருகின்றனர்.

பிக்பாஸ் சீசன் 7 விரைவில் துவங்க இருக்கிறது. விஜய் தொலைக்காட்சியில் ஒளிபரப்பாகி அதிக டிஆர்பி பெறும் நிகழ்ச்சியாக பிக்பாஸ் இருக்கிறது. பிக்பாஸ் சீசன் 1 முதல் பிக்பாஸ் சீசன் 6 வரை நடந்து முடிந்துள்ள நிலையில், இதுவரை எல்லா சீசன்களையும் கமல்ஹாசன் அவர்களே தொகுத்து வழங்கியுள்ளார்.

இந்த சீசனும் அவரேதான் தொகுத்து வழங்க இருப்பதாக கூறப்படுகிறது. இந்நிலையில் இந்த 7வது சீசனில் யார் யார் கலந்து கொள்ள இருக்கிறார்கள் என்கிற தகவல் அவ்வப்போது வெளிவந்துகொண்டே இருக்கிறது.

இந்த சீசனில் ரேகா நாயர், ஸ்ரீதர், ஜாக்குலின் உள்ளிட்ட பிரபலங்கள் கலந்துகொள்வார்கள் என்று கூறப்படுகிறது. சினிமாவில் நடித்து பிரபலமானவர் ரேகா நாயர். நடன இயக்குநராக பல சாதனகளை செய்தவர் ஸ்ரீதர் மாஸ்டர். தொகுப்பாளினிகளில் ரசிகர்களுக்கு மிகவும் பிடித்த ஒருவர் ஜாக்குலின் என இந்த சீசனில் மொத்தம் பங்கேற்க இருக்கும் 24 பேரும் 2 வீடுகளில் தங்க வைக்கப்படுகிறார்களாம்.

24 பேர்களில் ஒருவராக கயல் சீரியல் நடிகையும் இருப்பார் என்று தகவல் வெளியாகியுள்ளது. கயல் சீரியலில் நடித்து வரும் அன்னபூரணிதான் அந்த நடிகை. கௌதமுக்கு உதவியாக கயலை பழிவாங்கி வரும் அந்த நர்ஸ்தான் அவர்.

இவர் ஏற்கனவே பல சீரியல்களில் தடம் பதித்தவர்தான். பாசமலர், சொந்த பந்தம், மோகினி, தேவதை, மரகத வீணை, வள்ளி, கல்யாண வீடு உள்ளிட்டவை இவர் நடித்த சீரியல்கள். ஆர்யா - சந்தானத்துடன் இவர் ஒரு படத்திலும் நடித்துள்ளார்.

பாஸ் என்கிற பாஸ்கரன் படத்தில் இவர்தான் கண் தெரியாத டீச்சராக நடித்திருப்பார்.