விக்ரமேதான்... ஜெயிலர் டிரைலரைப் பார்த்தவர்கள் கலாய்!

சூப்பர் ஸ்டார் ரஜினிகாந்த் நடிப்பில் வெளியாகியுள்ள ஜெயிலர் டிரைலரைப் பார்த்த நெட்டிசன்கள் Jailer Trailer Review in Tamil இது விக்ரம் படம் மாதிரியேதான் இருக்கிறது என்று கலாய்த்து வருகின்றனர்.

ஜெயிலர் படத்தின் டிரைலர் தற்போது வெளியாகியுள்ளது. நெல்சன் திலீப்குமார் இயக்கத்தில் இப்படத்தில் ரஜினிகாந்த், தமன்னா, மோகன்லால், சிவராஜ்குமார், சுனில், ஜாக்கி ஷெரோப் ஆகியோர் நடித்துள்ளனர். இந்த டிரைலரில் மோகன்லால், சிவராஜ்குமார் உள்ளிட்ட சிலரின் காட்சிகள் காட்டப்படவில்லை என ரசிகர்கள் வருத்தப்பட்டாலும், சூப்பர் ஸ்டாரின் பஞ்ச் வசனங்கள் நிறைந்து இந்த காலத்துக்கு ஏற்ற பாட்ஷாவாக மிளிர்கிறது டிரைலர்.

ஜெயிலர் படத்தின் படப்பிடிப்பு, போஸ்ட்-புரொடக்ஷன் பணிகள் ஆகியன முடிந்த, இன்னும் ஒரு வாரத்தில் ரிலீஸுக்கு தயாராக காத்திருக்கிறது. இந்த முறை முதல்நாளே மிகப் பெரிய கலெக்ஷன் அள்ளி படம் வேற லெவலுக்கு வெற்றி பெறும் என ரசிகர்கள் ஆர்வத்துடன் காத்திருக்கிறார்கள். அதே நேரம் நெட்டிசன்கள் ஜெயிலர் படத்தின் கதையை விக்ரமுடன் ஒப்பிட்டு வருகிறார்கள்.

விக்ரம் படத்தில் ஆரம்பத்தில் அப்பாவியாக காட்டப்படும் கதாநாயகன் கமல்ஹாசன், பிற்பாதியில் மிகப்பெரிய டிவிஸ்ட்டில் ரிவீல் ஆகும் வகையில் கதை எழுதப்பட்டிருக்கும். அதே போல அப்பாவியாக மகன், பேரனுடன் சேர்ந்து வாழ்ந்து கொண்டிருக்கும் ரஜினிகாந்த் இந்த படத்தின் பிற்பாதியில் அசுர குணம் கொண்ட வேங்கையாக மாறுவதாக கதை எழுதப்பட்டிருக்கிறதாம். அதுதான் டிரைலரிலும் காட்டப்பட்டிருந்தது.

இதனால் விக்ரம் படத்தின் கதையைத் தான் நெல்சன் எடுத்திருக்கிறார் என நெட்டிசன்கள் கலாய்த்து வருகின்றனர்.

ஜெயிலர் படத்தின் முதல் பாடலான காவாலா பாடல் மிகப் பெரிய அளவில் வைரலாகி வருகின்றது. இந்த பாடலில் தமன்னாவின் நடனம் உலகம் முழுக்க இப்போது ரீல்ஸ், ஷார்ட்ஸ், டிக்டாக் செய்யப்பட்டு பரப்பப்பட்டு வருகிறது. அதேபோல ரஜினிக்கான ஹூக்கும் பாடலும் நல்ல அதிரடி பாடலாக அமைந்திருக்கிறது.

ஜெயிலர் டிரைலரைப் பொறுத்தவரையில் அவருடைய மகன் போலீஸ் காரனாக இருக்கிறார். அவருக்கு பேரன் இருக்கிறார். பேரனும் ரஜினிகாந்தும் பண்ணும் அலப்பறைகள் நிறைந்த காமெடியும் படத்தின் முதல்பாதியில் நிறைந்திருக்கிறதாம்.

ரஜினிகாந்த் திடீரென புலியாக மாறி அடிக்கும் காட்சிகளும் படத்தில் இடம்பெறுகிறது. கேரளா, கர்நாடகா என மிரட்டும் ரஜினிகாந்த், வட நாட்டிலும் தன் கொடியைப் பறக்கவிட்டே வந்திருக்கிறார் Jailer Trailer Review in Tamil என்பது போல படத்தில் காட்டப்பட்டிருக்கிறது.