குணசேகரனாக மாரிமுத்துவின் கடைசி எபிசோட்! இன்று ஒளிபரப்பாகுமா?

சன் டிவியில் ஒளிபரப்பாகி வரும் எதிர்நீச்சல் சீரியலில் குணசேகரனாக நடித்த நடிகர் மாரிமுத்து, கடந்த 2023 செப்டம்பர் 8ஆம் தேதி மாரடைப்பு காரணமாக மரணம் அடைந்தார். இவரது மறைவு தமிழ் சினிமா மற்றும் தொலைக்காட்சி உலகில் பெரும் சோகத்தை ஏற்படுத்தியது.

இந்த நிலையில், மாரிமுத்து நடித்த கடைசி எபிசோடு இன்று (செப்டம்பர் 11) வெளியாக உள்ளது என்று கூறப்படுகிறது. அதற்கான ப்ரோமோ சமீபத்தில் வெளியாகி ரசிகர்களின் கவனத்தை ஈர்த்துள்ளது.

ப்ரோமோவில், நந்தினி, ஜனனி ஆகியோர் தயாரித்த சாப்பாட்டை ஏற்றிக்கொண்டு ஒரு காரில் செல்கின்றனர். அப்போது அந்த வழியாக வந்த குணசேகரன், அவர்களை பார்த்து ஏதோ சோறாக்கி எடுத்துட்டு போற மாதிரி இருக்கு என்று கேட்கிறார்.

நந்தினி, ஜனனி ஆகியோர் அவரிடம் எதுவும் சொல்லாமல் சைகை மொழியில் பேசிக்கொண்டிருக்கிறார்கள். இதனால் குணசேகரன் கோபமாகி, அவர்களிடம் உண்மைய சொல்லுங்கள் என்று மிரட்டுகிறார்.

வீட்டிற்கு வந்த குணசேகரன், தன்னுடைய அம்மா விசாலாட்சியிடம் சோத்த பொங்கி வீட்டு பொம்பளைங்கள எங்கேயோ அனுப்பி வச்சிருக்கு, அது என்ன ஏதுன்னு கேட்டு சொல்லுங்கப்பா என்று கேட்கிறார்.

விசாலாட்சியிடம் என்னவென்று புரியவில்லை. ரேணுகாவும், ஈஸ்வரியும் சைகை மொழியில் அவளுக்கு சிக்னல் கொடுத்து, குணசேகரனுக்கு உண்மையை சொல்லச் சொல்கிறார்கள்.

விசாலாட்சி ஒரு வழியாக குணசேகரனிடம் நந்தினியின் புதிய பிசினஸ் விஷயத்தை சொல்லுகிறார். அதை கேட்ட குணசேகரன், நந்தினி தனக்கு எதுவும் சொல்லாமல் தனியாக பிசினஸ் செய்யப் போகிறாளா என்று வருத்தப்படுகிறார்.

இந்த எபிசோடில் மாரிமுத்து மிகவும் கலகலப்பாக நடித்திருப்பதாக நடிகர் ஞானம் கூறியுள்ளார். மாரிமுத்து நடித்த கடைசி எபிசோடு என்பதால், ரசிகர்கள் அதை ஆர்வத்துடன் எதிர்பார்த்துள்ளனர்.