'சந்திரமுகி-2' ஹீரோயின் ஆன்ட்ரியா..?!

ஓரிரு நாட்களுக்கு முன்பு இயக்குநர் பி.வாசு இயக்கத்தில் ராகவா லாரன்ஸ் மற்றும் வடிவேலு நடிக்கும் 'சந்திரமுகி-2' படம் தொடர்பான அதிகாரபூர்வ அறிவிப்பு வெளியானது. இந்தநிலையில், படத்தின் ஹீரோயின் யார்… படப்பிடிப்பு எப்போது தொடங்கவிருக்கிறது என்பன போன்ற தகவல்கள் தற்போது வெளிவரத் தொடங்கியுள்ளன.

ரஜினிகாந்த், நயன்தாரா, பிரபு, ஜோதிகா ஜோடிகளாக நடித்த 2005-ல் வெளியான 'சந்திரமுகி' படத்தை இயக்குநர் பி.வாசு இயக்கத்தில் சிவாஜி புரொடக்‌ஷன்ஸ் தயாரித்தது. படத்துக்கு வித்யாசாகர் இசையமைத்தார்.

தற்போது தயாராகும் 'சந்திரமுகி-2' படத்தினை லைக்கா புரொக்‌ஷன்ஸ் தயாரிக்கிறது. 'பாகுபலி', 'ஆர்ஆர்ஆர்' படங்களுக்கு இசையமைத்த கீரவாணி படத்துக்கு இசையமைக்கிறார்.

அதேபோல், ஹீரோயின் யார் என்ற டிஸ்கஷன் நடந்துகொண்டிருக்கிறது.

நடிகை ஆன்ட்ரியா அல்லது ராஷி கண்ணா ஆகியோரில் ஒருவரே ஹீரோயினாகலாம் என்கிறார்கள். இருவரிடமும் பேச்சுவார்த்தை நடத்தப்பட்டு வருகிறதாம். ஆயினும் ஆன்ட்ரியாவுக்கு அதிக வாய்ப்புள்ளதாகத் தகவல் தெரியவருகிறது. மேலும், படப்பிடிப்பு விரைவில் தொடங்கவிருப்பதாகவும் தயாரிப்புத் தரப்பிலிருந்து அதிகாரபூர்வமான தகவல் வெளியாகியுள்ளது.