நடிகை ஸ்ரீதேவி நடிகை நக்மா, ஜோதிகா சகோதரிகள் இணைத்து எடுத்த அரிய படம்

தமிழ்த் திரையுலகில் 1980-களில் தென்னிந்திய ரசிகர்களின் கனவுக் கன்னியாக வலம் வந்தவர் நடிகை ஸ்ரீதேவி. குறிப்பாக, தமிழ், தெலுங்குத் திரையுலகில் முன்னணி நாயகியரில் முதல் நாயகி இவர். அக்காலகட்டத்தில் இளைஞர்களின் மனத்தை கொள்ளைகொண்ட நடிகைகளில் ஸ்ரீதேவி முக்கியமானவர்.

இவரது நடிப்பில் தமிழில் வெளிவந்த எண்ணற்ற படங்களில் 'ஜானி', 'சிவப்பு ரோஜாக்கள்', 'வறுமையின் நிறம் சிவப்பு', 'மூன்று முடிச்சு' ஆகிய படங்கள் இன்றும் பலருடைய விருப்பப் படங்களாகும். கடந்த 2018ஆம் ஆண்டு ஸ்ரீதேவி திடீரென மரணமடைந்தார். அதனால், அவரது ரசிகர்களும் திரையுலகினரும் அதிர்ச்சி அடைந்தனர். அரசு மரியாதையுடன் அவரது உடல் நல்லடக்கம் செய்யப்பட்டது. ஸ்ரீதேவி மறைந்தாலும் அவரது நினைவலைகள் இன்னமும் நீக்கமற நிறைந்துள்ளன.

இந்தநிலையில், பிரபல நடிகை நக்மா மற்றும் நடிகை ஜோதிகா ஆகியோர் ஸ்ரீதேவியுடன் சிறு வயதில் எடுத்துக்கொண்ட புகைப்படம் ஒன்று அண்மையில் வெளியாகியுள்ளது. இப்புகைப்படத்தில், ஜோதிகா, நக்மா மட்டுமின்றி அவர்களுடைய சகோதரி ரோஷினியும் உள்ளார்.

இந்தப் புகைப்படத்தைப் பார்க்கும்போது மனது ரொம்பவே நெகிழ்கிறது என்கிறார்கள் அக்காலத்தையும் இக்காலத்தையும் அறிந்த தமிழ்த்திரை ரசிகர்கள்.