நடிகை நல்லெண்ணெய் சித்ரா திடீர் மரணம்

80'களில் தமிழ் சினிமாவில் மிகவும் பிரபலமான நடிகையாக இருந்தவர் சித்ரா. சேரன் பாண்டியன்' படத்தில் சரத்குமாரின் தங்கையாக நடித்த இவரது கதாபாத்திரம் ரசிகர்கள் மத்தியில் மிகவும் பிரபலமாகப் பேசப்பட்டது. சேரன் பாண்டியன் படத்தின் மூலமாகப் பிரபலமடைந்தவர் நடிகை சித்ரா.

பின்னர் சினிமா, சீரியல்களில் பிசியாக நடித்து வந்த சித்ரா ஒரு நல்லெண்ணெய் விளம்பரத்தில் நடித்த பின்னர் நல்லெண்ணெய் சித்ராவாகவே அழைக்கப்பட்டார்.

சென்னை சாலிகிராமத்தில் கணவர் மற்றும் மகளுடன் வசித்து வந்த சித்ரா இன்று அதிகாலை மாரடைப்பால் திடீரென மரணமடைந்தார். அவரது திடீர் மரணம் ரசிகர்கள் மத்தியில் கடும் அதிர்ச்சியை ஏற்படுத்தியுள்ளது. கடந்த மே 21-ம் தேதி தான் சித்ரா தனது பிறந்த நாளை கொண்டாடி இருந்தார்