கவின் தமிழ் சினிமாவின் நம்பிக்கை நட்சத்திரம்

தமிழ் சினிமாவில், புது முகங்கள் அவ்வப்போது களமிறங்கி ரசிகர்களின் இதயத்தை கொள்ளையடிப்பது வழக்கம். அந்த வரிசையில் பிக் பாஸ் நிகழ்ச்சியின் மூலம் மக்கள் மனதில் சின்னத்திரை நாயகனாக அறிமுகமாகி, வெள்ளித்திரையிலும் தனக்கென தனி முத்திரை பதிக்க முயற்சிக்கும் நடிகர்களில் ஒருவர் கவின்.

"நட்புன்னா என்னனு தெரியுமா?" என்ற வசனத்துடன் தமிழ் ரசிகர்களை கவர்ந்திழுத்த இவர், 'லிஃப்ட்', 'டாடா' போன்ற படங்கள் மூலம் திரைப்பட ரசிகர்களின் பட்டியலிலும் இடம் பிடித்தார். ஆரம்பத்தில் காதல் நாயகனாக வலம் வந்த கவின், தற்போது தனது கதை தேர்வுகளில், வித்தியாசத்தையும் வணிக நோக்கையும் சமன் செய்யும் ஒரு போக்கைக் கடைபிடிப்பதாகத் தெரிகிறது. அவரது வரவிருக்கும் திரைப்படங்கள் இதற்குச் சான்றாக அமைகின்றன.

• #STARMovie - இளன் இயக்கம்

• #கவின்05 - சதீஷ் இயக்கம்

• #கவின்06 - நெல்சன் தயாரிப்பு

• #கவின்07 - வெற்றிமாறன் தயாரிப்பு

• #கலகலப்பு3 - சுந்தர்சி இயக்கம் (பேச்சுவார்த்தையில்)

இளன் இயக்கத்தில் கவின் நடித்து வரும் ஸ்டார் திரைப்படம் நல்ல ஒரு வரவேற்பை பெறும் என்று எதிர்பார்க்கப்படுகிறது. இதனைத் தொடர்ந்து சதீஷ் இயக்கத்தில் கவின் ஒரு படத்தில் நடிக்கிறார். இதனைத் தொடர்ந்து நெல்சன் திலீப்குமார் தயாரிக்கும் புதிய படத்தில் ஒப்பந்தமாகியுள்ளார். இந்த படங்களுக்குப் பிறகு இயக்குநர் வெற்றிமாறனின் தயாரிப்பில் ஒரு படத்தில் கதாநாயகனாக நடிக்கிறார். 

இதனையெல்லாம் தாண்டி சுந்தர் சி இயக்கத்தில் கலகலப்பு 3 படத்தில் நடிக்க இவரிடம் பேச்சுவார்த்தை நடந்து வருகிறது. 

ரசிகர்களின் எதிர்பார்ப்பை எகிற வைக்கும் படங்கள்

இயக்குநர் இளன், 'ஸ்டார்' என்ற படத்தின் மூலம் ஒரு பக்கா வணிக பொழுதுபோக்குப் படத்தைக் கவினுக்கு வழங்குகிறார். இந்தப் படத்தின் பணிகள் முழு வீச்சில் நடைபெறுவதாக தகவல்கள் தெரிவிக்கின்றன.

குட்டி இடைவேளைக்காக நகைச்சுவைப் பக்கம் ஒரு பயணம்

ரசிகர்களின் விருப்ப பட்டியலில் நகைச்சுவை திரைப்படங்கள் எப்போதும் முக்கிய இடம் வகிக்கின்றன. கவினின் அடுத்த படங்களின் வரிசையில் இயக்குனர் சதிஷின் ஒரு நகைச்சுவைப் படமும் இணைந்துள்ளது.

பெரிய தயாரிப்பாளர்களின் பார்வையில் கவின்

முன்னனி இயக்குனர்களது தயாரிப்பு நிறுவனங்களுடன் கவின் பணியாற்றுவது சினிமா வட்டாரத்தில் அவருக்கு இருக்கும் வரவேற்பை பறைசாற்றுகிறது. வெற்றிமாறன் தயாரிக்கும் ஒரு படமும், நெல்சன் திலீப்குமரின் தயாரிப்பு நிறுவனத்துப் படமும் அந்த வரிசையில் அமைகின்றன.

'கலகலப்பு 3'? ரசிகர்களை குஷிப்படுத்தும் சுந்தர் சி.

தனது 'கலகலப்பு' திரைப்படங்களின் மூலம் நகைச்சுவைக்கு புது அர்த்தம் சேர்த்தவர் இயக்குநர் சுந்தர் சி. கவினுடன் கைகோர்க்க அவர் ஆர்வமாய் இருப்பதாக சினிமா வட்டாரத்தில் கிசுகிசுக்கப்படுகிறது. இது ரசிகர்களுக்கு எதிர்பார்ப்பை எகிறவைக்கும் ஒரு செய்தி!

சிறந்த கதைகளால் கவரப்படும் இளம் நட்சத்திரம்

நல்ல, வித்தியாசமான கதையம்சம் கொண்ட படங்களில் நடிக்க வேண்டும் என்ற ஆர்வம் இன்றைய இளம் நடிகர்களிடையே பரவி வரும் நிலையில், கவின் போன்றவர்கள் வெற்றிமாறன் போன்ற தேர்ந்த இயக்குனர்களின் தயாரிப்பில் நடிக்க முன்வருவது பாராட்டத்தக்கது.

கவின் தேர்ந்தெடுத்துள்ள படவரிசை அவரை தமிழ் சினிமாவின் அடுத்த நம்பிக்கை நட்சத்திரமாக்கும் வல்லமை பெற்றுள்ளதா என்பதை காலம்தான் பதில் சொல்லும். ரசிகர்களாகிய நாம் பொறுத்திருந்து பார்ப்போம்!