வனத்துறை அமைச்சர் பொன்முடி பதவி விலககோரி ஆர்ப்பாட்டம்

வனத்துறை அமைச்சர் பொன்முடி பதவி விலகக்கோரி ஆர்ப்பாட்டம்

நாமக்கல் பூங்கா சாலையில், தமிழக வனத்துறை அமைச்சர் பொன்முடி பதவி விலக வேண்டும் என்ற கோரிக்கையுடன் விஸ்வ ஹிந்து பரிஷத் சார்பில் ஒரு ஆர்ப்பாட்டம் நடைபெற்றது. இந்த ஆர்ப்பாட்டத்துக்கு மாவட்டச் செயலாளர் சிவகாம சுந்தரம் தலைமை வகித்தார். ஆர்ப்பாட்டத்தின் போது, அமைச்சர் பொன்முடி ஹிந்து மதம், சைவம், வைணவம் மற்றும் பெண்களை இழிவாகப் பேசியதாகக் குற்றம்சாட்டி, அவரை பதவியிலிருந்து உடனடியாக நீக்க வேண்டும் எனக் கோஷங்கள் எழுப்பப்பட்டன. இதில் மாநில இணை அமைப்பாளர் ரகுபதி, ஈரோடு கோட்டச் செயலாளர் தேவன், மாவட்டப் பொருளாளர் ஹரிஷ் மற்றும் நாமக்கல் மாவட்ட இணைச் செயலாளர் யோகேஸ்வரன் உள்ளிட்ட பலர் பங்கேற்று ஆதரவு தெரிவித்தனர். இந்த ஆர்ப்பாட்டம், பொன்முடியின் கருத்துக்கள் மீது எதிர்வினையை வெளிப்படுத்தும் வகையிலும், அவரது பதவிநிலையை கேள்விக்குள்ளாக்கும் நோக்கத்திலும் அமைந்தது.