ராசிபுரத்தில் 25 ஆண்டுகளுக்குப் பிறகு பள்ளியில் பசுமை நினைவுகள்

ராசிபுரத்தில் 25 ஆண்டுகளுக்குப் பிறகு பள்ளியில் பசுமை நினைவுகள்

ராசிபுரம் அருகே உள்ள குருசாமிபாளையம் செங்குந்தர் மகாஜன மேல்நிலைப்பள்ளியில், 1999–2000ம் ஆண்டு வணிகவியல் படித்த முன்னாள் மாணவ, மாணவியர், 25 ஆண்டுகளுக்குப் பிறகு ஒன்று கூடினர். பள்ளியின் வளாகத்தில் நடக்கப்பட்ட இந்த சந்திப்பு நிகழ்ச்சி, பள்ளி நாட்களின் இனிய நினைவுகளை மீட்டெடுத்த உணர்வுப்பூர்வமான நிகழ்வாக அமைந்தது.

நிகழ்ச்சியின் போது, முன்னாள் மாணவர்கள் தங்கள் பள்ளி ஆசான்களுக்கு சால்வை அணிவித்து, நினைவு பரிசுகள் வழங்கி கௌரவித்தனர். இதையடுத்து, தற்போது அவர்கள் எவ்விதமான பதவிகளில் உள்ளனர் என்பதையும் பகிர்ந்து, ஆசான்களிடமிருந்து ஆசி பெற்றனர்.

முன்னாள் மாணவர்கள், தாங்கள் கல்வி பயின்ற வகுப்பறையில் அமர்ந்து புகைப்படங்கள் எடுத்துக்கொண்ட போது, பழைய நினைவுகள் ஒலித்தன. “அந்த நாட்கள் மறக்க முடியாதவை” என அவர்கள் உணர்ச்சிபூர்வமாக தெரிவித்தனர்.

நிகழ்ச்சியில், ஓர் ஆசிரியர் பேசுகையில், “தயவுசெய்து கடன் வாங்காதீர்கள். வருமானத்திற்கு ஏற்றவாறு வாழுங்கள். கடன்சுமையால் தற்கொலைக்கு செல்லும் குடும்பங்கள் அதிகரித்து வருகின்றன” என, சமூகப் பொறுப்புடனும் கவலையுடனும் மாணவர்களுக்கு முக்கிய ஆலோசனையையும் வழங்கினார்.

இந்நிகழ்வின் நிறைவில், முன்னாள் மாணவ, மாணவியர் பள்ளிக்காக ரூ. 50,000 நிதியுதவியையும் வழங்கி, தங்களது நன்றியையும் செலுத்தினர்.