சிமென்ட் கம்பெனியை அலற விட்ட 5 அடி நாகப்பாம்பு
சிமென்ட் கம்பெனியை அலற விட்ட 5 அடி நாகப்பாம்பு
ப.வேலூர் அருகே ஜேடர்பாளையம் சாலை பகுதியில் சிமென்ட் குழாய் உற்பத்தி தொழிற்சாலை நடத்தி வரும் ராமசாமி (வயது 50) என்பவரது நிறுவனத்தில், நேற்று முன்தினம் சிமென்ட் குழாய்களை லாரியில் ஏற்றும் பணியில் தொழிலாளர்கள் ஈடுபட்டிருந்தனர். பணியின் நடுவே, குழாய்களில் ஒன்றில் இருந்து பாம்பு ஒன்று சீறியது. இதைக் கண்ட தொழிலாளர்கள் அதிர்ச்சி அடைந்து பீதி அடைந்தனர். உடனடியாக இந்த தகவல் வேலாயுதம்பாளையம் தீயணைப்பு நிலையத்திற்கு தெரிவிக்கப்பட்டது.
தீயணைப்பு துறையினர் விரைந்து சம்பவ இடத்திற்கு சென்று, சிமென்ட் குழாயின் உள்ளே பதுங்கியிருந்த சுமார் 5 அடி நீளமுள்ள நாகப்பாம்பை மிகச்சரியாக மீட்டனர். பாம்பு பாதுகாப்பாக பிடிக்கப்பட்டதும், தொழிலாளர்கள் நிம்மதியடைந்தனர். பின்னர், அந்த நாகப்பாம்பை வனப்பகுதிக்கு கொண்டு சென்று வனத்துறையினருடன் இணைந்து பாதுகாப்பாக விடுவிக்கப்பட்டது. இந்த சம்பவம் சில நேரத்திற்கு அப்பகுதியில் பரபரப்பை ஏற்படுத்தியது.
