வாக்காளர் சிறப்பு முகாம் தேதிகளில் மாற்றம்..!

வழக்கமாக வாக்காளர் சிறப்பு முகாம் ஒவ்வொரு ஆண்டும் நவம்பர் மாதம் நான்கு நாட்கள் பெறும். இந்த ஆண்டு தமிழகத்தில், வாக்காளர் பட்டியலில் பெயர் சேர்த்தல், நீக்கம், முகவரி, பெயர் மாற்றம் உள்ளிட்ட திருத்தங்களை மேற்கொள்ளும் வாக்காளர் சிறப்பு முகாம். நவம்பர் மாதம் 9-10 மற்றும் 23- 24 ஆகிய தேதிகளில் நடைபெறும் என முன்னர் அறிவிக்கப்பட்டிருந்தது.

தற்போது, வெளியிட்டுள்ள புதிய அறிவிப்பில் வாக்காளர் பட்டியலில் பெயர் சேர்த்தல், நீக்கம், முகவரி, பெயர் மாற்ற விதிகளில் நவம்பர் மாதம் 16-17 மற்றும் 23-24 ஆகிய தேதிகளில் நடைபெறும்.

ஒருங்கிணைந்த வரைவு வாக்காளர் பட்டியல் வரும் 29-ம் தேதி வெளியிடப்படும். வாக்காளர்கள், வாக்காளர் பட்டியலில் வரும் 29-ம் தேதி முதல் நவம்பர் 28-ம் தேதி வரை திருத்தங்களை மேற்கொள்ளலாம். இறுதி வாக்காளர் பட்டியல் வரும் ஜனவரி 6-ம் தேதி வெளியிடப்படும். அங்கீகரிக்கப்பட்ட அரசியல் கட்சிகள் ஒவ்வொரு வாக்குச்சாவடிக்கும், வாக்குச்சாவடி நிலைய முகவர்களை (BLA) நியமித்துக் கொள்ளலாம் என தமிழ்நாடு தேர்தல் ஆணையம் வெளியிட்டுள்ள செய்திக்குறிப்பில் கூறப்பட்டுள்ளது.