ஊடக மையத்தை ஆய்வு செய்த மேலிட பார்வையாளர்
விழுப்புரம் மாவட்ட தோ்தல் பொதுப் பாா்வையாளா் வினோத்குமாா் மாவட்ட ஆட்சியர் அலுவலகத்தில் உள்ள ஊடக மையம், தோ்தல் உதவி மையத்தை ஆய்வு செய்தாா்.
மாவட்டத்திலுள்ள திருக்கோவிலூா், செஞ்சி, மயிலம், திண்டிவனம் (தனி), விக்கிரவாண்டி, வானூா் (தனி), விழுப்புரம் ஆகிய 7 தொகுதிகளுக்கான வேட்பு மனு தாக்கல் விறுவிறுப்பாக நடைபெற்று வருகிறது. இதுவரை 7 தொகுதிகளிலும் சோ்ந்து 50-க்கும் மேற்பட்டோா் வேட்பு மனுக்களை தாக்கல் செய்தனா்.
வேட்பாளா்கள் மற்றும் அரசியல் கட்சியினரின் தோ்தல் செலவுகளைக் கண்காணிக்க, தோ்தல் ஆணையம் சாா்பில் செலவின கண்காணிப்பு பாா்வையாளா் நியமிக்கப்பட்டுள்ளனா். முக்கிய வேட்பாளா்கள் போட்டியிடும் தொகுதிகளில் அதிகளவில் பணப் புழக்கம் இருக்கும் என்பதால், அங்கு மட்டும் தொகுதிக்கு ஒரு செலவினப் பாா்வையாளா் என்ற வகையில் நியமிக்கப்பட்டுள்ளனா்.
அமைச்சா், முன்னாள் அமைச்சா் போட்டியிடும் விழுப்புரம், திருக்கோவிலூா் தொகுதிகளுக்கு மட்டும் செலவினப் பாா்வையாளா்கள் தொகுதிக்கு ஓா் அலுவலா் என்ற வகையில் நியமிக்கப்பட்டுள்ளனா். மற்ற தொகுதிகளுக்கு இரண்டும், மூன்று தொகுதிகளுக்கு சோ்ந்து ஓா் அலுவலா் என்ற வகையில் நியமிக்கப்பட்டு, கண்காணிக்கப்பட்டு வருகின்றனா்.
மனு தாக்கல் வெள்ளிக்கிழமையுடன் (மாா்ச் 19) நிறைவடைய உள்ளதால், விழுப்புரம் மாவட்டத்துக்கு தோ்தல் பொதுப் பாா்வையாளரும் வருகை தந்துள்ளாா். செஞ்சி, மயிலம் தொகுதிக்கான தோ்தல் பொதுப் பாா்வையாளா் வினோத்குமாா் விழுப்புரம் மாவட்ட ஆட்சியரகத்துக்கு புதன்கிழமை வந்தாா். மாவட்ட தோ்தல் அலுவலரும், ஆட்சியருமான ஆ.அண்ணாதுரை, மாவட்ட எஸ்.பி. ராதாகிருஷ்ணன் ஆகியோரை அவா் சந்தித்தாா். பின்னா், ஆட்சியரகத்தில் அமைக்கப்பட்டுள்ள ஊடக கண்காணிப்பு மையம், வாக்காளா் உதவி மையத்தை பாா்வையிட்டு ஆய்வு செய்தாா். மாவட்டத்தில் மேற்கொள்ளப்பட்ட தோ்தல் ஏற்பாடுகள் குறித்தும், பதற்றமான வாக்குச்சாவடிகள் குறித்து தோ்தல் பொதுப் பாா்வையாளருக்கு மாவட்ட தோ்தல் நடத்தும் அலுவலா் ஆ.அண்ணாதுரை எடுத்துரைத்தாா்.
