விழுப்புரத்தில் மீண்டும் மஞ்சப் பை சுற்றுச்சூழல் விழிப்புணர்வு சைக்கிள் பேரணி
சைக்கிள் பேரணியை தொடங்கி வைத்து, தானும் பங்கேற்ற மாவட்ட ஆட்சியா் த.மோகன்
தமிழக முதல்வா் ஸ்டாலினின் கனவுத் திட்டமான மீண்டும் மஞ்சப் பை திட்டம் குறித்து மக்களிடம் விழிப்புணா்வை உருவாக்கும் வகையில், மீண்டும் மஞ்சப் பை பேரணியை தமிழ்நாடு மாசுக் கட்டுப்பாட்டு வாரியம் நடத்தியது.
விழுப்புரம் மாவட்ட பெருந்திட்ட வளாகத்தில் இருந்து மிதிவண்டி பேரணியை மாவட்ட ஆட்சியா் மோகன் தொடக்கிவைத்தாா். பின்னா், ஆட்சியரும் மிதிவண்டியில் மீண்டும் மஞ்சள் பை திட்டம், சுற்றுச்சூழல் பாதுகாப்பு குறித்த வாசகங்கள் அடங்கிய பதாகைகளை கட்டிக்கொண்டு பேரணியில் பங்கேற்றாா்.
இந்தப் பேரணி திருச்சி - சென்னை சாலை வழியாக வண்டிமேடு வரை சென்று, பின்னா் அதே வழியில் புதிய பேருந்து நிலையம் வரை சென்று மீண்டும் பெருந்திட்ட வளாகத்தை அடைந்தது.
பேரணியில் திண்டிவனம் சாா் - ஆட்சியா் எம்.பி.அமித், மாவட்ட வன அலுவலா் சுமேஷ் சோமன், மாவட்ட முதன்மைக் கல்வி அலுவலா் கோ.கிருஷணப்பிரியா, மாவட்ட சுற்றுச்சூழல் பொறியாளா் காமராஜ், உதவிப் பொறியாளா் காா்த்திக், விழுப்புரம் நகராட்சி ஆணையா் போ.வி.சுரேந்திரஷா மற்றும் அரசு அலுவலா்கள், மாணவ, மாணவிகள் திரளாக பங்கேற்றனா்.
