விழுப்புரம் மாவட்டத்தில் அதிமுகவை பின்னுக்கு தள்ளிய சுயேச்சைகள்

விழுப்புரம் மாவட்டத்தில் நடந்து முடிந்த நகர்ப்புற உள்ளாட்சி தேர்தலில் அ.தி.மு.க வைை பின்னுக்கு தள்ளி நிகராக சவால் விடும் வகையில் சுயேச்சைகள் வெற்றி பெற்றுள்ளனர்.

மாவட்டத்தில் 3 நகராட்சிகள் மற்றும் 7 பேரூராட்சிகளில் உள்ள210 வார்டுகளில், 2 வார்டுகளில் போட்டியின்றி தேர்ந்தெடுக்கப்பட்டனர்.

இதையடுத்து, மீதமுள்ள 208 வார்டுகளுக்கு, 935 பேர் போட்டியிட்டனர். வாக்கு எண்ணிக்கையில் தி.மு.க.,வினர் நகராட்சிகள் மற்றும் பேரூராட்சிகளில் தனிப்பெரும்பான்மையுடன் வெற்றி பெற்றனர். அ.தி.மு.க., இரண்டாம் இடத்திற்கு தள்ளப்பட்டது.

அ.தி.மு.க.,விற்கு சவால் விடும் வகையில் விழுப்புரம் நகராட்சியில் அ.தி.மு.க. 7 , சுயேச்சைகள் 3 இடங்களில் வெற்றி பெற்றனர்.

திண்டிவனத்தில் அ.தி.மு.க. 4, சுயேச்சைகள் 3, கோட்டக்குப்பத்தில் அ.தி.மு.க. 3, சுயேச்சைகள் 7 பேர் வெற்றி பெற்றுள்ளனர்.

பேரூராட்சிகளில் வளவனுாரில் அ.தி.மு.க., 2, சுயேச்சைகள் 2, விக்கிரவாண்டியில் அ.தி.மு.க. 3, சுயேச்சைகள் 3, செஞ்சியில் அ.தி.மு.க. 1, மரக்காணத்தில் அ.தி.மு.க. 4, சுயேச்சைகள் 5 பேர் வெற்றி பெற்றனர்

திருவெண்ணெய்நல்லுாரில் அ.தி.மு.க.வில் யாரும் வெற்றி பெறவில்லை. ஆனால், சுயேச்சைகள் 6 பேர் வெற்றி பெற்றுள்ளனர்.

அரகண்டநல்லுாரில் அ.தி.மு.க., 4, சுயேச்சை 1, அனந்தபுரத்தில் அ.தி.மு.க., 5, சுயேச்சை 1 என மொத்தம் அ.தி.மு.க.,வினர் 33 இடங்களிலும், சுயேச்சைகள் 31 இடங்களில் வெற்றி பெற்றுள்ளனர்.

மேலும், கோட்டக்குப்பம் நகராட்சி, மரக்காணம் பேரூராட்சியில் அ.தி.மு.க.,வை விட சுயேச்சைகள் அதிகமாக வெற்றி பெற்று இரண்டாம் இடத்தை பிடித்து, அதிமுகவை பின்னுக்கு தள்ளி உள்ளது குறிப்பிடத்தக்கது.