சிறுமியை பாலியல் வன்கொடுமை செய்த தொழிலாளிக்கு 5 ஆண்டு சிறை

செய்யாறு அருகே 3 வயது சிறுமியை பாலியல் பலாத்காரம் செய்த தொழிலாளிக்கு 5 ஆண்டு சிறை தண்டனை விதித்து திருவண்ணாமலை கோர்ட்டில் தீர்ப்பு வழங்கப்பட்டது.

திருவண்ணாமலை மாவட்டம் செய்யாறு தாலுக்கா மரிய நல்லூர் கிராமத்தை சேர்ந்தவர் புண்ணியகோடி, வயது 40 . மாற்று திறனாளியான இவர் கடந்த 2016 ஆம் ஆண்டு அக்டோபர் மாதம் 5ஆம் தேதி மூன்று வயது சிறுமியை பாலியல் பலாத்காரம் செய்துள்ளார்.

இதுகுறித்து சிறுமியின் பெற்றோர் செய்யாறு அனைத்து மகளிர் போலீஸ் நிலையத்தில் புகார் செய்தனர். அதன் பேரில் போலீசார் போக்சோ சட்டத்தின் கீழ் வழக்குப்பதிவு செய்து புண்ணியக்கோட்டியை கைது செய்தனர். இந்த சம்பவம் தொடர்பான வழக்கு விசாரணை திருவண்ணாமலை மாவட்ட ஒருங்கிணைந்த கோர்ட்டு வளாகத்தில் உள்ள போக்சோ வழக்குகள் தொடர்பான சிறப்பு கோர்ட்டில் நடைபெற்று வந்தது. இந்நிலையில் நேற்று இவ்வழக்கை விசாரித்த நீதிபதி பார்த்தசாரதி தீர்ப்பு கூறினார்.

அந்தத் தீர்ப்பில் சிறுமியை பாலியல் பலாத்காரம் செய்த புண்ணியகோடிக்கு ஐந்து ஆண்டு சிறை தண்டனையும் ரூபாய் 1000 அபராதமும் விதித்து உத்தரவிட்டார்.

இந்தத் தீர்ப்பை அடுத்து போலீசார் புண்ணிய கோடியை வேலூர் மத்திய சிறையில் அடைத்தனர்.

7 பவுன் சங்கிலி பறிப்பு

திருவண்ணாமலை மாவட்டம், வெம்பாக்கம் அருகே நடை பயிற்சிக்குச் சென்ற பெண்ணிடம் 7 பவுன் தங்கச் சங்கிலியை பறித்துச் சென்ற மா்ம நபா்கள் குறித்து போலீஸாா் விசாரித்து வருகின்றனா்.

வெம்பாக்கம் வட்டம், மாமண்டூா் கிராமம், சந்தைமேடு பகுதியைச் சோந்தவா் டில்லி பாபு . இவா், சென்னையில் உள்ள தனியாா் நிறுவனத்தில் பொறியாளராக வேலை செய்து வருகிறாா். இவரது மனைவி பிரவீனா (25). இவா், வியாழக்கிழமை இரவு தனது மாமியாா் பூத்தானம்மாளுடன் காஞ்சிபுரம் - வந்தவாசி சாலையில் நடை பயிற்சி மேற்கொண்டாா்.

அப்போது, எதிரே பைக்கில் தலைக்கவசம் அணிந்தபடி பிரவீனா மீது மோதுவதுபோல இருவா் வந்தனா். இதில் பிரவீனா நிலைதடுமாறியபோது, அவா் அணிந்திருந்த 7 பவுன் தங்கச் சங்கிலியை மா்ம நபா்கள் பறித்துக்கொண்டு பைக்கில் தப்பிச் சென்றனராம். இதுகுறித்த புகாரின்பேரில், தூசி காவல் நிலைய உதவி ஆய்வாளா் சுரேஷ்பாபு மற்றும் போலீஸாா் விரைந்து வந்து சம்பவ இடத்தைப் பாா்வையிட்டு, விசாரணை மேற்கொண்டு வருகின்றனா்.

முன்விரோதம் காரணமாக முதியவரைத் தாக்கியவா் கைது

திருவண்ணாமலை மாவட்டம், வந்தவாசி அருகே முன்விரோதம் காரணமாக முதியவரைத் தாக்கியவா் கைது செய்யப்பட்டாா்

வந்தவாசியை அடுத்துள்ள கண்டவரட்டி கிராமத்தைச் சோந்தவா் வெங்கடபதி (73). இவருக்கு கூத்தம்பட்டு கிராமத்தில் விவசாய நிலம் உள்ளது. இவரது நிலத்துக்கு அருகில் கூத்தம்பட்டு கிராமத்தைச் சோந்த சிவகுமாா் (42) விவசாய நிலம் உள்ளது. இருவருக்கும் ஏற்கெனவே முன்விரோதம் இருந்தது.

இந்த நிலையில், நேற்று வெங்கடபதி தனது நிலத்தின் முன் இரு சக்கர வாகனத்தை நிறுத்திவிட்டு மின்மோட்டாரை நிறுத்தச் சென்றாா். அப்போது, அந்த வாகனத்தை சிவகுமாா் தள்ளிக்கொண்டு சென்றாராம். இதைக் கண்ட வெங்கடபதி, ஏன் எனது வாகனத்தை தள்ளிச் செல்கிறாய் என்று கேட்டதால், அவா்களுக்குள் தகராறு ஏற்பட்ட நிலையில், சிவகுமாரும், அவரது தந்தை ராஜகோபாலனும் சோந்து வெங்கடபதியைத் தாக்கினராம். இதில் காயமடைந்த அவா் வந்தவாசி அரசு மருத்துவமனையில் அனுமதிக்கப்பட்டாா். இதுகுறித்த புகாரின்பேரில் சிவகுமாா், ராஜகோபாலன் ஆகியோா் மீது வழக்குப் பதிந்த பொன்னூா் போலீஸாா், சிவகுமாரை கைது செய்தனா்.