திருவண்ணாமலையில் நடந்த உழவர் தியாகிகள் தின நிகழ்வில் மலர் அஞ்சலி

திருவண்ணாமலை மாவட்டம் வந்தவாசி அடுத்த வல்லம் கிராமத்தில் இந்திய உழவர் உழைப்பாளர் கட்சி சார்பில் உழவர் தியாகிகள் தினம் முன்னிட்டு விவசாயிகள் மலர் அஞ்சலி செலுத்தும் நிகழ்ச்சி மாநிலத் தலைவர் வேட்டவலம் மணிகண்டன் தலைமையில் நடைபெற்றது.

இந்நிகழ்ச்சிக்கு சிறப்பு அழைப்பாளர்களாக அ.தி.மு.க. திருவண்ணாமலை வடக்கு மாவட்ட செயலாளர் தூசி கே.மோகன் , முன்னாள் அமைச்சரும் ஆரணி சட்டமன்ற உறுப்பினருமான சேவூர் எஸ்.ராமச்சந்திரன் ஆகியோர் கலந்துகொண்டு விவசாயிகளின் போராட்டத்திற்காக உயிர் நீத்த உழவர் தியாகிகளுக்கு மலர் தூவி மரியாதை செலுத்தினர்.

நிகழ்ச்சியில் மாவட்ட அவைத் தலைவர் டி.கே.பி.மணி, மாவட்ட ஜெ. பேரவை செயலாளர் பாஸ்கர் ரெட்டியார், முன்னாள் எம்.எல்.ஏ. அன்பழகன், ஒன்றிய செயலாளர் அர்ஜுனன் லோகேஸ்வரன், வந்தவாசி நகர செயலாளர் பாஷா உள்ளிட்ட அ.தி.மு.க. நிர்வாகிகள் மற்றும் விவசாயிகள் பலர் கலந்து கொண்டனர்.