அண்ணாமலையார் கோவில் மாட வீதியில் சிமெண்ட் சாலை பணிகள்: கலெக்டர் ஆய்வு

திருவண்ணாமலை அருணாசலேஸ்வரா் கோயில் மாட வீதிகளில் சிமென்ட் சாலை அமைக்கும் பணி நடைபெற்று வருகிறது. இந்தப் பணியை மாவட்ட ஆட்சியா் முருகேஷ் நேரில் பாா்வையிட்டு ஆய்வு செய்தாா்.

திருவண்ணாமலை அருணாசலேஸ்வரர் கோவில் மாட வீதியை சுற்றி பே கோபுரத் தெரு சந்திப்பு திரவுபதி அம்மன் கோவில் முதல் காந்தி சிலை வரையில் சிமெண்டு சாலை அமைக்கும் பணிகள் தொடங்கப்பட்டு நடைபெற்று வருகின்றது. இந்த பணிக்காக ரூ.15 கோடி நிதி ஒதுக்கீடு செய்யப்பட்டு உள்ளது.

அதன்அடிப்படையில் நெடுஞ்சாலைத்துறை, மின்சாரத் துறை, நகராட்சித் துறை ஆகிய 3 துறைகள் மூலமாக பணிகள் நடைபெற்று வருகின்றது. இந்த நிலையில் நேற்று மாடவீதியில் சிமெண்டு சாலை அமைக்க மேற்கொள்ளப்பட்டு வரும் பணிகளை மாவட்ட கலெக்டர் முருகேஷ் நேரில் சென்று பார்வையிட்டு ஆய்வு செய்தார்.

பின்னா் செய்தியாளா்களிடம் அவா் கூறியதாவது: திருவண்ணாமலை மாட வீதிகளில் சிமென்ட் சாலை அமைக்க ரூ.15 கோடி நிதி ஒதுக்கப்பட்டு நெடுஞ்சாலைத் துறை, மின்சாரத் துறை, நகராட்சித் துறை மூலம் பணிகள் நடைபெற்று வருகின்றன. பணியின் மொத்த நீளம் 1,080 மீட்டா்.

இப்போது 350 மீட்டா் அளவுக்கு பணிகள் நிறைவு பெற்றுள்ளன. நகராட்சி மூலம் 12 புதை சாக்கடைகள், குடிநீா்க் குழாய் இணைக்கும் பணிகள் போா்க்கால அடிப்படையில் நடைபெற்று வருகிறது. பொதுமக்கள், பக்தா்களுக்கு இடையூறு இல்லாமல் 6 மாதத்துக்குள் பணிகளை முடிக்க திட்டமிடப்பட்டுள்ளது என்றாா்.

ஆய்வின்போது, திருவண்ணாமலை நெடுஞ்சாலைத் துறை கோட்டப் பொறியாளா் ராஜ்குமாா், துணை காவல் கண்காணிப்பாளா் குணசேகரன், நகராட்சி பொறியாளா் நீலேஸ்வரன், வட்டாட்சியா் சரளா மற்றும் அரசு அலுவலா்கள் உடனிருந்தனா்.