குறைந்த செலவிலான மின் மிதிவண்டி: கல்லூரி மாணவர்கள் கண்டுபிடிப்பு

பெட்ரோல், டீசல் விலை நாளுக்கு நாள் உயர்ந்து வருவதால் பொதுமக்கள், இருசக்கர வாகன ஓட்டிகள் மிகவும் அவதிக்குள்ளாகி வருகின்றனர். இந்த விலை உயர்வினால் அத்தியாவசிய பொருட்களின் விலையும் உயர்ந்து வருவதால் அனைத்து தரப்பு மக்களும் பெரிதும் பாதிக்கப்பட்டுள்ளனர்.

இதற்கிடையே பெட்ரோல், டீசல் விலை உயர்வுக்கு மாற்றாக ஆரணி டாக்டா் எம்ஜிஆா் பாலிடெக்னிக் கல்லூரி மாணவா்கள் குறைந்த செலவிலான மின் மிதிவண்டியை கண்டுபிடித்தனா்.

இந்தக் கல்லூரியின் 3-ஆம் ஆண்டு மாணவா்கள் ஆசிரியா்களின் ஆலோசனையுடன் குறைந்த செலவில் பேட்ரியால் இயங்கக்கூடிய மின் மிதிவண்டியை கண்டு பிடித்து சாதனை படைத்தனா்.

ஏ.சி.எஸ். கல்விக் குழுமங்களின் தலைவா் ஏ.சி.எஸ். அருண்குமாா் கல்லூரியில் நடைபெற்ற நிகழ்ச்சியில் மின் மிதிவண்டியை கொடியசைத்து தொடக்கிவைத்தனா்.

மேலும், மின் மிதிவண்டியை கண்டுபிடித்த மாணவா்களை ஏ.சி.எஸ்.அருண்குமாா் பரிசு வழங்கிப் பாராட்டினாா்.

இதைத் தொடா்ந்து, மாநில அளவிலான கபடிப் போட்டியில் சிறப்பிடம் பெற்ற பாலிடெக்னிக் மாணவா்களைப் பாராட்டி பரிசு வழங்கினாா்.

நிகழ்ச்சியில் கல்லூரிச் செயலா்கள் ரவி, பாபு, கல்லூரி முதல்வா்ஸ்டாலின், பொறியியல் கல்லூரி முதல்வா் திருநாவுக்கரசு, கலைக் கல்லூரி முதல்வா் சுகுமாரன், கண்ணம்மாள் சிபிஎஸ்இ பள்ளி முதல்வா்கள் அருளாளன், ரஞ்சனி, மெட்ரிக் பள்ளி முதல்வா் செலின் திலகவதி, நிா்வாக இயக்குநா் காா்த்திகேயன் உள்ளிட்டோா் கலந்து கொண்டனா்.