ஆரணி அருகே நகைத் திருட்டு; ஒருவா் கைது

ஆரணி அருகே இராட்டிணமங்கலத்தில் பூட்டிய வீட்டில் 8 பவுன் நகைகளை திருடியவரை போலீஸாா் கைது செய்தனா்.

திருவண்ணாமலை மாவட்டம், ஆரணி அடுத்த இராட்டிணமங்கலம் கன்னிக்கோவில் முதல் தெருவை சேர்ந்த முனுசாமி மனைவி இந்திராணி. இவரின் கணவா் இறந்து விட்டதால், இந்திராணி தனியாக வசித்து வருகிறாா். இந்த நிலையில், கடந்த பிப்.7-ஆம் தேதி சொந்த வேலையாக இந்திராணி வெளியே சென்றுவிட்டு வீடு திரும்பியபோது, வீட்டின் முன்பக்க கதவை உடைக்கப்பட்டிருந்தது. உள்ளே சென்று பாா்த்தபோது பீரோவிலிருந்த 8 பவுன் நகைகள் திருடு போயிருந்தது.

இதுகுறித்த புகாரின் பேரில், கிராமிய காவல் ஆய்வாளா் ராஜாங்கம் வழக்குப் பதிவு செய்து விசாரணை நடத்தி வந்தனா். இந்த நிலையில், நகைத் திருட்டில் ஈடுபட்டவா் ஆரணி நகரம், காந்தி நகா் பகுதியில் பதுங்கியிருப்பதாக போலீஸாருக்கு தகவல் கிடைத்தது. அதன் பேரில், அங்கு சென்ற ஆய்வாளா் ராஜங்கம், உதவி ஆய்வாளா் ஷாபுதீன், சிறப்பு உதவி ஆய்வாளா் கன்ராயன் மற்றும் போலீஸாா் அந்த பகுதியில் சந்தேகப்படும்படியாக நின்று கொண்டிருந்த நபரை பிடித்து விசாரித்ததில்,

ஆரணி காந்திநகா் பகுதியைச் சேர்ந்த முருகன் மகன் பிரவீன்குமாா் என்பதும், மூதாட்டி வீட்டில் நகை திருடியதும் தெரியவந்தது. இதையடுத்து, அவரை கைது செய்த போலீஸாா் அவரிடமிருந்து 8 பவுன் நகையை பறிமுதல் செய்தனா்.

லாட்டரி சீட்டு விற்றவர் கைது

ஆரணியை அடுத்த களம்பூரில் லாட்டரி சீட்டு விற்பனை செய்தவரை போலீசார் கைது செய்தனர்

ஆரணியை அடுத்த களம்பூரில் லாட்டரி சீட்டு விற்பனை நடைபெறுவதாக களம்பூர் போலீசாருக்கு தகவல் கிடைத்தது .ஆய்வாளர் உத்தரவின் பேரில் உதவி ஆய்வாளர் ஜெய்சங்கர் மற்றும் போலீசார் அந்த பகுதியில் ரோந்து பணியில் ஈடுபட்டிருந்தனர்.

அப்போது களம்பூர் நெல்வாய் கிராமத்தைச் சேர்ந்த பொன்னுசாமி மகன் நாராயணன் என்பவர் லாட்டரி சீட்டுகளை விற்பனை செய்து கொண்டிருந்தார். உடனே போலீசார் அவரை கைது செய்தனர். அவரிடம் இருந்து 10 வெளிமாநில லாட்டரி சீட்டுகளை பறிமுதல் செய்தனர்.