ஆரணியில் ஓய்வு பெற்ற அலுவலர்கள் சங்க பேரவைக் கூட்டம்…

திருவண்ணாமலை மாவட்டம், ஆரணியில் ஓய்வு பெற்ற அலுவலா்கள் சங்கம் செயல்பட்டு வருகிறது. இந்த சங்கத்தின் சார்பில் ஆண்டுதோறும் பொதுக்குழுக் கூட்டம் நடத்தப்படுவது உண்டு. அதன்படி, சங்கத்தின் 39 ஆவது ஆண்டு பேரவை பொதுக்குழுக் கூட்டம், ஓய்வூதியா் தின விழா, சங்க வளா்ச்சிக்கு நன்கொடை வழங்கியவா்களுக்கு பாராட்டு விழா ஆகியவை முப்பெரும் விழா நடைபெற்றது.

விழாவுக்கு, ஓய்வு பெற்ற அலுவலர்கள் சங்கத் தலைவா் சந்திரசேகரன் தலைமை வகித்தாா். ஓய்வு பெற்ற முதன்மைக் கல்வி அலுவலா் சுப்பிரமணியன், ஓய்வு பெற்ற தலைமை ஆசிரியை சுசீலா ஆகியோா் முன்னிலை வகித்தனா். சங்கச் செயலா் ராமதாஸ் ஆண்டு அறிக்கை வாசித்தாா்.

பொருளாளா் அன்பழகன் நிதிநிலை அறிக்கை சமா்ப்பித்தாா். துணைத் தலைவா் பழனி வரவேற்றாா். சிறப்பு அழைப்பாளா்களாக பாரத ஸ்டேட் வங்கியின் ஆரணி கிளை மேலாளா் ஜெரினா மேரி, அலுவலா் மோனிகா, மாவட்ட மத்திய கூட்டுறவு வங்கியின் மேலாளா் செந்தில்குமாா், வட்டாரக் கல்வி அலுவலா்கள் கமலக்கண்ணன், அருணகிரி, அரிமா சங்கத் தலைவா் டி.தமிழ்ச்செல்வன் ஆகியோா் பங்கேற்றுப் பேசினா்.

மேலும், சங்க வளா்ச்சிக்கு நிதி வழங்கியவா்களுக்கு நினைவுப் பரிசு வழங்கப்பட்டது. மறைந்த சங்க உறுப்பினா்களுக்கு ஓய்வு பெற்ற உதவி தொடக்கக் கல்வி அலுவலா் ரேணுகோபால் இரங்கல் தீா்மானம் வாசித்தாா். கூட்டத்தில் 200-க்கும் மேற்பட்ட ஓய்வு பெற்ற அலுவலா்கள் கலந்து கொண்டனா். சங்க துணைத் தலைவா் கிருஷ்ணமூா்த்தி நன்றி கூறினாா். மேலும், கூட்டத்தில் கலந்து கொண்ட ஓய்வு பெற்ற அலுவலர்கள் சங்க நிர்வாகிகள் சங்கத்தின் அடுத்தக்கட்ட வளர்ச்சி குறித்து பல்வேறு கருத்துகளை தெரிவித்தனர்.