மோட்டார் சைக்கிள் திருடிய 3 பேர் கைது; 4 வாகனம் பறிமுதல்

திருப்பூர் பொம்மநாய்க்கன்பாளையம் பகுதியில் அனுப்பர்பாளையம் இன்ஸ்பெக்டர் சென்னகேசவன் தலைமையில் போலீஸார் வாகன சோதனையில் ஈடுபட்டனர்.

அவ்வழியாக மோட்டார் சைக்கிளில் வந்த மூவரை பிடித்து விசாரித்தனர். அவர்கள் முன்னுக்கு பின் முரணாக பதில் கூறினர்.

இதனால் சந்தேகம் அடைந்த போலீசார் அவர்களிடம் நடத்திய விசாரணையில், திருப்பூர் சக்திநகரை சேர்ந்த ரமேஷ்,22, கோட்டைமாரியம்மன் கோவில் பகுதியை சேர்ந்த தங்கதுரை, உதயமூர்த்தி என்பதும், இவர்கள் மீது பல்வேறு திருட்டு வழக்கு உள்ளது தெரியவந்தது.

அதைத்தொடர்ந்து அவர்களை போலீஸார் கைது செய்து, அவர்களிடம் இருந்து 4 மோட்டார் சைக்கிள்களை பறிமுதல் செய்தனர்.