கோவிலுக்கு சென்ற போது கணவன் கண்முன்னே விபத்தில் மனைவி உயிரிழந்த சோகம்

திருப்பத்தூர் மாவட்டம் ஆம்பூர் அடுத்த சான்றோர்குப்பம் லட்சுமிநகர் பகுதியைச் சேர்ந்த கோவிந்தராஜ் என்பவர் தனது மனைவி நிர்மலா உடன் அண்ணாநகர் பகுதியில் உள்ள புத்துகோயிலுக்கு தனது இருசக்கர வாகனத்தில் சென்றுகொண்டிருந்தபோது, ஆம்பூர் புறவழி சாலையில் பெங்களூரிலிருந்து சென்னைக்கு நோக்கி பார்சல் ஏற்றிசென்ற ஈச்சர்லாரி ஒன்று இருசக்கர வாகனம் மீது மோதி விபத்துக்குள்ளானது

இதில் நிலை தடுமாறி கீழே விழுந்த நிர்மலா தலைமீது லாரி பின் சக்கரம் ஏரி தலை நசுங்கி கணவன் கண்முன்னே மனைவி உயிரிழந்தார். காயங்களுடன் கணவர் கோவிந்தராஜ் 108 ஆம்புலன்ஸ் மூலம் ஆம்பூர் அரசு மருத்துவமனைக்கு கொண்டு செல்லப்பட்டார்.

இதுதொடர்பாக ஆம்பூர் நகர போலீசார் உடலை கைப்பற்றி பிரேத பரிசோதனைக்காக ஆம்பூர் அரசு மருத்துவமனைக்கு அனுப்பி வைத்தனர். இச்சம்பவம் தொடர்பாக போலீசார் வழக்குப்பதிவு செய்து விசாரணை மேற்கொண்டு வருகின்றனர்

ஆம்பூர் அருகே கோயிலுக்கு கணவன் மனைவி இருவரும் சென்ற போது கணவன் கண்முன்னே விபத்தில் மனைவி உயிரிழந்த சம்பவம் அப்பகுதியில் பெரும் சோகத்தை ஏற்படுத்தி உள்ளது.