ஆயிரம் பேனாக்களால் அம்பேத்கர் உருவம்: நெல்லையில் ஓவிய குழந்தைகள் அசத்தல்
சிவராம் கலைக்கூடத்தைச் சேர்ந்த 70 மாணவ, மாணவிகள் சுமார் ஆயிரம் பேனாக்களை கொண்டு அண்ணல் அம்பேத்கரின் திருஉருவத்தை வரைந்தனர்.
சட்ட மாமேதை டாக்டர். அம்பேத்கரின் நினைவு நாளை முன்னிட்டு ஆயிரம் பேனாக்களை கொண்டு குழந்தைகள் வரைந்த அண்ணல் அம்பேத்கரின் திருஉருவம். 70 குழந்தைகள் ஆயிரம் பேனாக்களை கொண்டு இந்த ஓவியத்தை தீட்டினர்.
திருநெல்வேலி காப்பீட்டுக் கழக ஊழியர் சங்கம் சார்பாக நெல்லை கோட்ட சங்கத்தின் 28வது கோட்ட சங்க மாநாட்டை முன்னிட்டும், டாக்டர் அண்ணல் அம்பேத்கரின் நினைவு தினத்தை முன்னிட்டும் இன்சூரன்ஸ் ஊழியர் சங்கம் மற்றும் சிவராம் கலைக்கூடம் இணைந்து ஓவியம் வரையும் நிகழ்வை நடத்தினர்.
நிகழ்ச்சியில் சிவராம் கலைக்கூடத்தைச் சேர்ந்த 70 மாணவ- மாணவிகள் சுமார் ஆயிரம் பேனாக்களை கொண்டு அண்ணல் அம்பேத்கரின் திருஉருவத்தை வரைந்தனர். பாளையங்கோட்டையில் உள்ள எல்ஐசி அலுவலகத்தில் நடைபெற்ற இந்த ஓவியம் வரையும் நிகழ்ச்சியில் திரளானோர் கலந்து கொண்டனர்.
பேனாக்களைக் கொண்டு அம்பேத்கரின் உருவத்தை தீட்டிய குழந்தைகளை அனைவரும் பாராட்டினர். எல்ஐசி கோட்டை சங்க நிர்வாகிகள் நிகழ்ச்சிக்கான ஏற்பாடுகளை சிறப்பாக செய்திருந்தனர்.
