குண்டர் தடுப்பு சட்டத்தில் திருச்சி டாக்டர் கைது

திருச்சியை சேர்ந்தவர் டாக்டர் ரமேஷ்.குழந்தைகள் டாக்டரான இவர் தனது 12 வயது மகளிடம் பாலியல் தொந்தரவு செய்ததாக டாக்டரின் மனைவியும் குழந்தையின் தாயுமான பெண் கண்டோன்மெண்ட் போலீஸ் நிலையத்தில் புகார் செய்தார்.

அந்த புகாரின் பேரில் கண்டோன்மென்ட் அனைத்து மகளிர் காவல் நிலையத்தினர் டாக்டர் மீது கடந்த 13ஆம் தேதி வழக்குப் பதிவு செய்து கைது செய்தனர். பின்னர் அவர் கோர்ட்டில் ஆஜர்படுத்தப்பட்டு திருச்சி மத்திய சிறையில் அடைக்கப்பட்டார். இந்நிலையில் அவரை குண்டர் தடுப்பு சட்டத்தில் கைது செய்வதற்கு அனுமதிக்குமாறு மாநகர போலீஸ் கமிஷனருக்கு பரிந்துரை அனுப்பப்பட்டது.

போலீஸ் கமிஷனர் அருண் இந்த பரிந்துரையை ஏற்று அவரை குண்டர் தடுப்பு சட்டத்தில் கைது செய்வதற்கு உத்தரவிட்டார். இதனைத் தொடர்ந்து ஒரு வருடம் எந்தவித விசாரணையுமின்றி டாக்டரை மத்திய சிறையில் அடைத்து வைப்பதற்காக பிறப்பிக்கப்பட்ட அந்த ஆணை மத்திய சிறையில் உள்ள டாக்டரிடம் வழங்கப்பட்டது.