20-ம்தேதி ஆர்ப்பாட்டத்தில் திரளாக பங்கேற்க திருச்சி தெற்கு மாவட்ட தி.மு.க. முடிவு
திருச்சி தெற்கு மாவட்ட தி.மு.க. அலுவலகத்தில், மாவட்ட பொறுப்பாளரும், பள்ளிக் கல்வித்துறை அமைச்சருமான அன்பில் மகேஷ் பொய்யாமொழி தலைமையில் மாவட்ட செயற்குழு கூட்டம் நடைபெற்றது.
இந்த கூட்டத்தில் வருகின்ற 20-ஆம் தேதியன்று, பெட்ரோல் விலை, எரிவாயு சிலிண்டர் விலை மற்றும் பொதுத்துறை நிறுவனங்களை தனியார் மயமாக்கல் போன்ற மக்கள் விரோத செயல்களில் மத்திய அரசை ஈடுபடுவதை கண்டித்து நடைபெற உள்ள கண்டன ஆர்ப்பாட்டத்தில், திருச்சி தெற்கு மாவட்ட கழக நிர்வாகிகள் பெருந்திரளாக கலந்து கொள்ள வேண்டும்.
அதே போல பொதுமக்களை தங்களின் இல்லங்களில் ஆங்காங்கே இந்த ஆர்ப்பாட்டத்தில் கலந்து கொள்ள செய்து பெரும் திரள் ஆர்ப்பாட்டமாக நடைபெற செய்ய வேண்டும். மக்களிடையே இத்தகைய கண்டன ஆர்ப்பாட்டத்தின் நோக்கத்தை எடுத்துரைத்து தமிழ்நாடு முதலமைச்சரும், தி.மு.க. தலைவருமான மு.க.ஸ்டாலின் கட்டளையை தன் கடமையாக ஏற்று, கூட்டணி கட்சி நிர்வாகிகளுடன் ஒன்றிணைந்து இந்த கண்டன ஆர்ப்பாட்டத்தை வெற்றி பெற செய்ய வேண்டி என்று தீர்மானம் நிறைவேற்றப்பட்டது.
இந்த ஆலோசனை கூட்டத்தில் முன்னாள் எம்.எல்.ஏ கே.என்.சேகரன், கோவிந்தராஜன், வண்ணை அரங்கநாதன்,செந்தில், கவிஞர் சல்மா, மலைக்கோட்டை பகுதி செயலாளர் மதிவாணன், சபியுல்லா மற்றும் பொதுக்குழு உறுப்பினர்கள், செயற்குழு உறுப்பினர்கள், மாவட்ட, ஒன்றிய, நகர, பேரூர் கழகச் செயலாளர்கள், அணிகளின் அமைப்பாளர்கள் கலந்து கொண்டனர்.
