திருச்சியில் நாளை மறுநாள் மாவட்ட அளவிலான கைப்பந்து போட்டி துவக்கம்

திருச்சி மாவட்ட கைப்பந்து கழகம் சார்பில் மாவட்ட அளவிலான ஆண்கள் மற்றும் பெண்களுக்கான கைப்பந்து போட்டி நாளை மறுநாள் (சனிக்கிழமை) திருச்சி செயிண்ட் ஜோசப் கல்லூரி மைதானத்தில் தொடங்குகிறது. 5-ந்தேதியும் இந்த போட்டி நடைபெற உள்ளது.

இதில் கலந்து கொள்ளும் ஆண்கள் அணியினர் 4-ந்தேதி காலை 7 மணிக்கும், பெண்கள் அணியினர் 5-ந்தேதி காலை 7 மணிக்கும் வரவேண்டும். ஆண்கள் மற்றும் பெண்கள் இறுதிப் போட்டி 5-ந்தேதி மாலை 6 மணிக்கு மின்னொளியில் நடைபெறும். வெற்றி பெறும் அணியினருக்கு பரிசு, சுழற்கோப்பை மற்றும் சான்றிதழ் வழங்கப்பட உள்ளன.

இந்த தகவலை திருச்சி மாவட்ட கைப்பந்து கழக செயலாளர் எஸ்.கோவிந்தராஜன் தெரிவித்துள்ளார்.