திருச்சி மாநகராட்சி சார்பில் நாளை 250 இடங்களில் கொரோனா தடுப்பூசி

கொரோனாவை அடியோடு ஒழிப்பதற்காக தமிழக அரசு சார்பில் சனிக்கிழமை தோறும் மாபெரும் கொரோனா தடுப்பூசி முகாம்கள் நடத்தப்பட்டு வருகிறது.

அந்த வகையில் திருச்சி மாநகராட்சி சார்பில் நாளை (சனிக்கிழமை) காலை 7 மணி முதல் இரவு 7 மணி வரை 250 இடங்களில் தடுப்பூசி செலுத்தப்பட உள்ளது. கோட்டம் வாரியாக, வார்டு வாரியாக இந்த முகாம்கள் நடைபெற இருப்பதால் பொதுமக்கள் இந்த முகாம்களில் கலந்து கொண்டு பயன் அடையுமாறு ஆணையர் முஜிபுர் ரகுமான் வேண்டுகோள் விடுத்துள்ளார்.