திருச்சி புறநகர் வடக்கு மாவட்ட அ.தி.மு.க. சார்பில் 52ம் ஆண்டு விழா

அ.தி.மு.க.வின் 52 ஆம் ஆண்டு தொடக்க விழாவை தமிழகம் முழுவதும் சிறப்பாக கொண்டாடவேண்டும் என அ.தி.மு.க. பொதுச்செயலாளர் எடப்பாடி பழனிசாமி உத்தரவிட்டு இருந்தார். இந்த உத்தரவின்படி அக்டோபர் மாதம் 17ம் தேதியான இன்று தமிழகம் முழுவதும் அதிமுக சார்பில் ஐம்பத்திரண்டாம் ஆண்டு துவக்க விழா நடைபெற்றது.

திருச்சி புறநகர் வடக்கு மாவட்ட அ.தி.மு.க. சார்பில் சோமரசம்பேட்டையில் உள்ள எம்.ஜி.ஆர். சிலைக்கு மாவட்ட செயலாளர் மு.பரஞ்ஜோதி தலைமையில் அ.தி.மு.க.வினர் மாலை அணிவித்து மரியாதை செலுத்தினர். இதில் அ.தி.மு.க. மாநில இளைஞரணி இணைச் செயலாளர் பொன்.செல்வராஜ், மாவட்ட சிறுபான்மை பிரிவு செயலாளர் புல்லட் ஜான்,ஒன்றிய செயலாளர்கள் ஜெயக்குமார், முத்துக்கருப்பன்,ஆமூர் ஜெயராமன், செல்வராஜ் கவுன்சிலர் கார்த்திக், சமயபுரம் ராமு, நடேசன் மற்றும் நிர்வாகிகள் கலந்து கொண்டனர்.

இந்த விழாவில் கலந்து கொண்ட அனைவருக்கும் மாவட்ட செயலாளர் பரஞ்ஜோதி இனிப்பு வழங்கினார். மேலும் ஏழைப்பெண்களுக்கு சேலை உள்ளிட்ட நலதிட்ட உதவிகளும் வழங்கப்பட்டது.

அனைத்திந்திய அண்ணா திராவிட முன்னேற்றக் கழக 52-வது ஆண்டு தொடக்க விழா பொதுக்கூட்டங்கள் திருச்சி புறநகர் வடக்கு மாவட்டத்தில் உள்ள 4 சட்டமன்ற தொகுதியிலும் கீழ்க்கண்ட இடங்களில் நடைபெறும் என அறிவிக்கப்பட்டு உள்ளது.

17.10.2023, செவ்வாய்க்கிழமை மாலை 6மணி: மண்ணச்சநல்லூர் சட்டமன்ற தொகுதி - சா.அய்யம்பாளையம்,மு.பரஞ்ஜோதி, திருச்சி புறநகர் வடக்கு மாவட்ட கழக செயலாளர், முன்னாள் அமைச்சர், மற்றும் வடுகபட்டி பே.சுந்தரபாண்டியன், கோதை தங்கவேல்

18.10.2023, புதன்கிழமை மாலை 6மணி: ஸ்ரீரங்கம் சட்டமன்ற தொகுதி - பெட்டவாய்த்தலை - சிறப்புரை முன்னாள் அமைச்சர் பி.தங்கமணி,கழக அமைப்பு செயலாளர், நாமக்கல் மாவட்ட கழக செயலாளர்.

26.10.2023, வியாழக்கிழமை மாலை 6மணி: முசிறி சட்டமன்ற தொகுதி - தும்பலம்- கரூர் சின்னசாமி,கழக அமைப்பு செயலாளர் முன்னாள் அமைச்சர், மற்றும்திரைப்பட இயக்குனர் சக்தி என்.சிதம்பரம்.

28.10.2023, சனிக்கிழமை மாலை 6மணி: துறையூர் சட்டமன்ற தொகுதி - கீரம்பூர், திருப்பூர் ஆர்.சாந்தி, என். முஜிபுர் ரஹிமான்.