திருச்சியில் ஜாமீன் கையெழுத்து போட மறுத்தவருக்கு அரிவாள் வெட்டு

திருச்சி தில்லைநகர் ரகுமானியாபுரத்தை சேர்ந்தவர் அலாவுதீன் மகன் காதர்மொய்தீன் (வயது 30). பிரபல ரவுடி. வழக்கு ஒன்றில் கைதாகி சிறை சென்ற காதர்மொய்தீன், கடந்த நவம்பர் 11-ஆம் தேதி தென்னூர் வாமடத்தை சேர்ந்த அவரது நண்பர் ஹரன்குமார் (வயது 42) என்பவரிடம் ஜாமீன் கையெழுத்து போடுமாறு அழைத்துள்ளார். அதற்கு ஹரன்குமார் மறுத்துள்ளார்.

இந்நிலையில் நேற்று முன்தினம் ஹரன்குமார் சாஸ்திரி ரோட்டில் உள்ள டீக்கடை முன்பு நின்று கொண்டிருந்தார். அப்போது அங்கு வந்த காதர்மொய்தீன் தான் வைத்திருந்த அரிவாளால் ஹரன்குமாரை வெட்டினார். இதில் ஹரன்குமாருக்கு இடது கையில் பலத்த காயம் ஏற்பட்டது. அவர் அரசு மருத்துவமனையில் சிகிச்சைக்காக அனுமதிக்கப்பட்டுள்ளார். இந்த சம்பவம் குறித்து தில்லைநகர் போலீசார் வழக்குப்பதிவு செய்து, காதர்மொய்தீனை வலை வீசி தேடி வருகின்றனர்.