திருச்சியில் ஜன.7ல் தனியார் வேலை வாய்ப்பு முகாம்: பங்கேற்க கலெக்டர் அழைப்பு

திருச்சி மாவட்ட வேலை வாய்ப்பு மற்றும் தொழில்நெறி வழிகாட்டும் மையத்தில் வரும் 7-ம் தேதி தனியார் துறை வேலைவாய்ப்பு முகாம் நடைபெறவுள்ளது.

முகாமில் தனியார் நிறுவனங்கள் பல்வேறு பணியிடங்களுக்கு ஆட்களை தேர்வு செய்யவுள்ளன. முகாமில், பத்தாம் வகுப்பு, பிளஸ் 2, ஐ.டி.ஐ, டிப்ளமோ, மற்றும் பட்டப்படிப்பு (பொறியியல் உட்பட) முடித்த அனைவரும் கலந்து கொள்ளலாம்.

விருப்பம் உள்ளவர்கள் தங்களது அனைத்து கல்வி சான்றிதழ்களின் நகல், சுயவிபரக்குறிப்பு மற்றும் ஆதார் அட்டை நகலுடன் நாளை மறுநாள் 7-ம் தேதி காலை 10.30 மணிக்கு நேரில் வந்து கலந்து கொள்ளலாம். இத்தகவலை திருச்சி மாவட்ட கலெக்டர் சிவராசு தெரிவித்துளள்ளார்.