திருச்சி ஜே.கே.நகர் விரிவாக்க பகுதியில் சுதந்திர தினவிழா கொண்டாட்டம்

திருச்சி ஜே.கே. நகர் விரிவாக்க பகுதி மக்கள் நலச் சங்கம் சார்பில் இன்று நாட்டின் 75 ஆவது சுதந்திர தின விழா சிறப்பாக கொண்டாடப்பட்டது. இதனையொட்டி நடைபெற்ற விழாவில் சங்கத்தின் மூத்த உறுப்பினர் நெகமதுல்லா தேசிய கொடியினை ஏற்றினார். அப்போது தேசியக்கொடிக்கு மரியாதை செய்யப்பட்டது.

தமிழக அரசின் வேலை வாய்ப்பு மற்றும் பயிற்சி துறை துணை இயக்குனர்(ஓய்வு) இப்ராஹிம்சரீஃப் நாம் பேணி காக்க வேண்டிய சுதந்திரத்தின் சிறப்புகள், அதனைப் பெறுவதற்கு காந்தி உள்ளிட்ட தேசிய தலைவர்கள் அனுபவித்த கொடுமைகள், அதன் பெருமைகள், நாட்டின் இறையாண்மையை காக்க எதிர்கால சந்ததியினர் ஆற்ற வேண்டிய பணிகள், மதசார்பின்மை அரசின் சிறப்புகள் பற்றி சிறப்புரையாற்றினார்.

இதனை தொடர்ந்து விழாவில் பங்கேற்ற அனைவருக்கும் இனிப்புகள் வழங்கப்பட்டது. விழாவில் சங்கத்தின் கௌரவ தலைவர் ஓய்வு பெற்ற மின்வாரிய கோட்ட பொறியாளர் கண்ணன், சங்க தலைவர் திருஞானம், அமைப்புச் செயலாளர் குலோத்துங்கன், பொருளாளர் சாமுவேல் சதீஷ், இணை செயலாளர் ஜெடிக்ஸ் மற்றும் நிர்வாகிகள் அச்சுதன், குகன், முத்துக்குமார், மன்சூர் உள்பட ஏராளமான குடியிருப்பு வாசிகள் கலந்து கொண்டனர்.