திருச்சியில் விஜயகாந்த் உருவ படத்திற்கு மரியாதை செய்த கம்யூனிஸ்டு கட்சியினர்

தேசிய முற்போக்கு திராவிடர் கழக நிறுவனத் தலைவர் விஜயகாந்த் உருவ படத்திற்கு திருச்சி மாநகர் 23 வது வார்டு பகுதியில் இந்திய கம்யூனிஸ்ட் கட்சியினர் புகழஞ்சலி செலுத்தினார்கள்.

தமிழக மக்களின் மனதில் ஒரு நடிகராக இடம் பிடித்தவர் நடிகர் விஜயகாந்த். அவர் சினிமா நட்சத்திரமாக ஜொலித்த போது நடிகர் சங்க கடனை அடைத்தார். சினிமாவில் தான் சம்பாதித்த பணத்தை எல்லாம் தனது ரசிகர் மன்றங்கள் மூலம் ஏழை எளிய மக்களுக்கு நலத்திட்ட உதவிகளாக வழங்கினார்.

பின்னர் தேசிய முற்போக்கு திராவிடர் கழகம் என்ற பெயரில் அரசியல் கட்சி தொடங்கி எதிர்க்கட்சி தலைவராக வலம் வந்தார். ஒரு அரசியல் வாதியாக மாற்று கட்சியினராலும் மதிக்கப்பட்டு வந்தார் என்பதற்கு அடையாளமாக மற்ற கட்சியினரும் அவரது மறைவையொட்டி உருவ படத்திற்கு மரியாதை செய்து வருகிறார்கள்.

அந்த வகையில் தேசிய முற்போக்கு திராவிடர் கழக தலைவர் விஜயகாந்த் உருவ படத்திற்கு திருச்சி மாநகர் உறையூர் 23 வது வார்டு பகுதியில் மாமன்ற உறுப்பினர் க.சுரேஷ் தலைமையில் மலர் தூவி மாலை அணிவித்து மரியாதை செலுத்தினர்.

இந்திய கம்யூனிஸ்ட் கட்சி மாநகர் மாவட்ட செயலாளர் எஸ்.சிவா, மேற்கு பகுதி செயலாளர் இரா. சுரேஷ் முத்துசாமி, துணைச் செயலாளர் க.இப்ராஹிம், பொருளாளர் ரவீந்திரன், பகுதி குழு உறுப்பினர்கள் ஆனந்தன் தில்லை நாகராஜ், சரண்சிங், பாட்ஷா, மௌலானா, வை. புஷ்பம், ம.சுமதி, ராஜேஸ்வரி, சுலோச்சனா, ஜெய்லானி, தர்மா, ராஜ், மாணிக்கம், ஆட்டோ மனோகர், ஆட்டோ பக்கிரிசாமி, ஆட்டோ பெருமாள் மற்றும் பொதுமக்கள் என 50க்கும் மேற்பட்டோர் இந்த நிகழ்வில் கலந்து கொண்டனர்.