அம்மா மண்டபத்தில் நீரில் மூழ்கி டாக்டர் பலி

ஸ்ரீரங்கம் அம்மா மண்டபத்தில் இன்று திதி கொடுக்க வந்த அரசு டாக்டர் நீரில் மூழ்கி உயிரிழந்தார்.

திருச்சி காட்டூர் கைலாஷ் நகர் பகுதியை சேர்ந்த அரசு மருத்துவர் கிஷோர் பிரியதர்ஷன் (34). இவர் திருச்சி புள்ளம்பாடி அரசு மருத்துவமனையில் டாக்டராக பணிபுரிந்து வருகிறார். இவருக்கு கடந்த 3 மாதங்களுக்கு முன்பாக திருமணம் நடைபெற்றுள்ளது. இந்நிலையில் தனது மாமியாரின் தாயாருக்கு திதி கொடுப்பதற்காக இன்று காலை ஸ்ரீரங்கம் அம்மா மண்டபம் படித்துறைக்கு வந்து திதி கொடுத்து விட்டு காவிரி ஆற்றில் குளிக்க சென்றபோது நீரில் மூழ்கி பரிதாபமாக உயிரிழந்தார்.

இது குறித்து ஸ்ரீரங்கம் போலீசாருக்கு தகவல் தெரிவிக்கப்பட்டடது. சம்பவ இடத்திற்கு விரைந்து வந்த போலீசார் நீரில் மூழ்கி இறந்த கிஷோர் பிரியதர்ஷன் உடலை மீட்டு ஸ்ரீரங்கம் அரசு மருத்துவமனைக்கு பிரேத பரிசோதனைக்காக அனுப்பி வைத்து இதுகுறித்து விசாரணை செய்து வருகின்றனர்.