முசிறியில் ஓய்வு பெற்ற அனைத்து ஆசிரியர், அரசு ஊழியர் சங்க கூட்டம்

தமிழ்நாடு ஓய்வு பெற்ற அனைத்து அரசு ஊழியர், ஆசிரியர் சங்கத்தின் திருச்சி மாவட்டம் முசிறி வட்டக் கிளை கூட்டம் இன்று 03-12-2023.ஞாயிறு ஓய்வூதியர் தின சிறப்பு கூட்டமாக நடைபெற்றது. கூட்டத்திற்கு வட்ட தலைவர் முத்துகிருஷ்ணன் தலைமை தாங்கினார். துணைத் தலைவர் பொன்னுசாமி அனைவரையும் வரவேற்றார்.

தலைவர் தம் உரையில், ஓய்வு பெற்ற அரசு ஊழியர்களுக்கு, ஓய்வூதியம் கிடைத்த வரலாற்றை எடுத்துக் கூறினார். 16-12-2023.இல் திருச்சியில் நடைபெறும் மாவட்ட "ஓய்வூதியர் தின விழா" சிறப்புக் கூட்டத்தில், முசிறி வட்டக்கிளை சார்பாக அதிக அளவில், உறுப்பினர்கள் கலந்து கொண்டு சிறப்பிக்க வேண்டுமென கேட்டுக்கொண்டார். செயலாளர்,திருஞானம் மாதாந்திர செயலறிக்கை வாசித்தார். மேலும் சென்ற மாதம் உறுப்பினர்களின் கோரிக்கைகள் அனைத்தும் முடித்து வைக்கப்பட்டதாகக் கூறினார்.மேலும் எதிர்வரும் 2024 புத்தாண்டில் ஜனவரி மாதக் கூட்டத்திற்குள் புதிய உறுப்பினர்களை அதிக அளவில் சேர்க்க வேண்டுமென வலியுறுத்தினார்.

கூட்டத்தில், உறுப்பினர்கள், எஸ்.செல்லப்பன், பிரபாவதி, திருமதி:எஸ்.பாலா ஆகியோர் உரையாற்றினர். பொருளாளர செல்வராஜு வரவு, செலவு அறிக்கை வாசித்து ஒப்புதல் பெற்றார். கூட்டத்தில், கலந்து கொண்ட அனைவருக்கும், தலைவர், தம் 80 ஆம் ஆண்டு பிறந்த நாளை முன்னிட்டு இனிப்பு, காரம், தேநீர், வழங்கி சிறப்பித்தார். இறுதியாக அமல்ராஜ், அவர்கள் நன்றி கூற, நாட்டுப் பன்னுடன் கூட்டம் இனிதே நிறைவு பெற்றது.

கூட்டத்தில் இரண்டு தீர்மானங்கள், நிறைவேற்றப்பட்டன.

1) ஓய்வூதியர்களின் குடும்ப நல நிதி, ரூபாய் 50 ஆயிரம் வழங்குவதை, ரூபாய் ஒரு லட்சமாக உயர்த்தி வழங்க வேண்டும்.

2) கொரோனா சிகிச்சை எடுத்துக்கொண்ட ஓய்வூதியர்களுக்கு, செலவழித்த முழு தொகையையும் வழங்க வேண்டுமென கோரப்பட்டது.