'எங்கே எனது தடுப்பூசி' முழக்கம் : தூத்துக்குடியில் ஆர்ப்பாட்டம்
எங்கே எனது தடுப்பூசி என்ற முழக்கத்தோடு அனைத்திந்திய இளைஞர் பெருமன்றம் சார்பில் தூத்துக்குடியில் ஆர்ப்பாட்டம் நடைபெற்றது.
HIGHLIGHTS
எங்கே எனது தடுப்பூசி முழக்கமிடும் அனைத்திந்திய இளைஞர் பெரு மன்றத்தினர்.
எங்கே எனது தடுப்பூசி என்ற முழக்கத்தோடு அனைத்திந்திய இளைஞர் பெருமன்றம் சார்பில் இன்று மாநிலம் தழுவிய ஆர்ப்பாட்டம் நடைபெற்று வருகிறது. அதன் ஓருபகுதியாக தூத்துக்குடியில் போல்டன்புரம் இந்திய கம்யூனிஸ்ட் கட்சி மாவட்ட அலுவலகம் முன்பு அனைத்திந்திய இளைஞர் பெருமன்ற மாவட்ட செயலாளர் சந்தனசேகர் தலைமையில் ஆர்ப்பாட்டம் நடைபெற்றது.
ஆர்ப்பாட்டத்தில், மத்திய அரசு தமிழ்நாட்டு மக்களுக்கு தேவையான 14 கோடி தடுப்பூசிகளை உடனடியாக வழங்கிட வேண்டும், தடுப்பூசி உற்பத்தியை பொதுத்துறை நிறுவனங்களில் போர்க்கால அடிப்படையில் உடனடியாக தொடங்கிட வேண்டும், உற்பத்தி செய்யும் தடுப்பூசியை தனியார் மருத்துவமனைகளுக்கு வழங்கி அவர்கள் பொதுமக்களிடம் அதிக தொகை வசூலிப்பதை தடுத்து நிறுத்து வேண்டும், காலதாமதமின்றி செங்கல்பட்டு HLL தடுப்பூசி ஆலையை தமிழக அரசிடம் ஒப்படைக்க நடவடிக்கை எடுக்க வேண்டும் உள்ளிட்ட கோரிக்கைகளை வலியுறுத்தி ஆர்ப்பாட்டத்தில் கோஷங்கள் எழுப்பப்பட்டது.
ஆர்ப்பாட்டத்தில் அனைத்திந்திய இளைஞர் பெருமன்ற மாவட்ட குழு உறுப்பினர்கள் ராஜாசிங் ,செண்பகமல் ராஜா, காளீஸ்வரன் , பலவேசம் , சக்தி, சூர்யா , தீலீபன் ,குமார், பிரபா,அர்ஜுன் உட்பட பலர் கலந்து கொண்டனர்
#இன்ஸ்டாநியூஸ்
#instanews
#ThoothukudiNews
#ThoothukudiBreakingNewsLive
#WhereisMyVaccineSlogan
#AIYF
#தூத்துக்குடிசெய்திகள்
#தூத்துக்குடிலைவ்நியூஸ்
#எங்கேஎனதுதடுப்பூசிமுழக்கம்
