தூத்துக்குடி அருகே 9 வழக்குகளில் தொடர்புடைய ரௌடி கைது

தூத்துக்குடி அருகே 9 வழக்குகள் நிலுவையில் உள்ள ரௌடியை சிப்காட் போலீசார் கைது செய்தனர்.

தூத்துக்குடி சிப்காட் போலீஸ் இன்ஸ்பெக்டர் சண்முகம், சப்-இன்ஸ்பெக்டர் ராமகிருஷ்ணன் மற்றும் போலீசார் இன்று (17-10-2021) ரோந்து பணியில் ஈடுபட்டு இருந்தனர். அப்போது மடத்தூர் பகுதியில் நின்று கொண்டு இருந்த ஓம்சாந்திநகரை சேர்ந்த ஆனந்த் (32) என்பவரை போலீசார் பிடித்து விசாரணை நடத்தினர். விசாரணையில், அவர் அந்த பகுதியில் வந்த ஒருவரை வழிமறித்து கொலை மிரட்டல் விடுத்தது தெரியவந்தது. இதைத் தொடர்ந்து சிப்காட் போலீசார் வழக்கு பதிவு செய்து, ஆனந்தை கைது செய்தனர். இவர் மீது சிப்காட் காவல் நிலையத்தில் திருட்டு மற்றும் கொலை மிரட்டல் வழக்குகள் உட்பட 8 வழக்குகளும், வடபாகம் காவல் நிலையத்தில் ஒரு வழக்கும் என மொத்தம் 9 வழக்குகள் நிலுவையில் உள்ளது குறிப்பிடத்தக்கது.