திருத்துறைப்பூண்டி அருகே இளம்பெண்ணுக்கு கத்திக்குத்து: வாலிபர் கைது

திருத்துறைப்பூண்டி அருகே இளம்பெண்ணுக்கு கத்திக்குத்து: வாலிபர் கைது
X

ஆபத்தான நிலையில் அரசு மருத்துவமனையில் சிகிச்சை பெற்று வரும் புவனேஸ்வரி.

திருத்துறைப்பூண்டி அருகே இளம்பெண்ணுக்கு கத்திக்குத்து. ஆபத்தான நிலையில் அரசு மருத்துவமனையில் சிகிச்சைக்காக அனுமதி.

திருவாரூர் மாவட்டம் திருத்துறைப்பூண்டி அடுத்த கற்பகநாதர்குலத்தைச் சேர்ந்தவர் புவனேஸ்வரி (34), இவருக்கு கண்ணன் என்பவருடன் திருமணமாகி ஒரு குழந்தை உள்ளது. கற்பகநாதர் குளத்தில் உள்ள அரசு உயர்நிலைப்பள்ளியில் இளநிலை உதவியாளராக பணியாற்றி வருகிறார். கற்பகநாதர்குளம் அருகே ஜாம்பவானோடை கிராமத்தைச் சேர்ந்த மதிவாணன் என்பவரும் புவனேஸ்வரியும் பள்ளிப் பருவத்திலிருந்தே நண்பர்களாக இருந்து வருகின்றனர்.

புவனேஸ்வரியின் கணவர் சிங்கப்பூரில் பணியாற்றி வரும் நிலையில் கடந்த சில மாதங்களாக மதிவாணன் புவனேஸ்வரியிடம் தவறான முறையில் பழக முயற்சித்ததால் இதை தனது தாயாரிடம் கூறியுள்ளார் புவனேஸ்வரி. இதன் காரணமாக இரண்டு மாதங்களுக்கு முன்பு புவனேஸ்வரியின் தாயார் மதிவாணனை கண்டித்து அனுப்பியதாக தெரிகிறது.

இந்நிலையில் இன்றைய தினம் பள்ளி முடிந்தவுடன் வெளியே வந்த புவனேஸ்வரி மீது இருசக்கர வாகனத்தில் வந்த மதிவாணன் மோதிவிட்டு கடுமையான வாக்குவாதம் செய்துள்ளார். அதனைத் தொடர்ந்து தன்னிடம் இருந்த கத்தியை கொண்டு புவனேஸ்வரியின் மீது கழுத்து , நெஞ்சு மற்றும் வயிறு ஆகிய பகுதிகளில் குத்திவிட்டு தானும் தனது கையில் அறுத்துக்கொண்டு தற்கொலைக்கு முயன்றுள்ளார்.

இதனை அடுத்து அருகில் இருந்தவர்கள் காவல்துறைக்கு தெரிவித்துவிட்டு திருத்துறைப்பூண்டி அரசு மருத்துவமனையில் சிகிச்சைக்காக சேர்த்துள்ளனர். புவனேஸ்வரி மேல் சிகிச்சைக்காக திருவாரூர் அரசு மருத்துவமனையில் சிகிச்சை பெற்று வரும் நிலையில் மதிவாணன் காவல்துறையின் கஸ்டடியின் கீழ் திருத்துறைப்பூண்டி மருத்துவமனையில் சிகிச்சை பெற்று வருகிறார். இச்சம்பவம் குறித்து வழக்குப்பதிவு செய்து முத்துப்பேட்டை காவல்துறையினர் விசாரணை மேற்கொண்டு வருகின்றனர்.

Tags

Next Story
Similar Posts
ஆன்லைன் பத்திரப்பதிவு சேவைக்கு login செய்வது எப்படி?
திருத்தணி முருகன் கோவில்  உண்டியல் திறப்பு:கிடைத்த காணிக்கை ரூ.1 கோடி
திருவாரூர் அருகே பள்ளி வாசல் திறப்பு விழாவிற்கு சீர் சுமந்து சென்ற இந்து பெண்கள்
கன்னிகைப்பேர் அருகே மழை நீர் பெருக்கெடுத்து ஓடுவதால் போக்குவரத்து பாதிப்பு
சாலைகளில் சுற்றித்திரிந்த மாடுகளை இரவில் விரட்டிப் பிடித்த ஊழியர்கள்
திருத்துறைப்பூண்டி  திருவாரூர் தொகுதிகள் மிகவும் பின் தங்கி உள்ளன: அண்ணாமலை
லயன்ஸ் சங்கம் சார்பில் தூய்மை பணியாளர்களுக்கு நலத்திட்ட உதவிகள்
கதிரடிக்கும் இயந்திரம் மீது மின்சாரம் தாக்கியதில் வாலிபர் உயிரிழப்பு
மொத்த விற்பனையாளர்களுக்கு ஆவின் நிறுவனம் அழைப்பு
மருத்துவமனையில் இரவு நேர மருத்துவர் நியமிக்க கோரிக்கை
மத்திய உளவுத்துறையில்  797 இளநிலை புலனாய்வு அதிகாரிகள்  காலிப்பணியிடங்கள்
வங்கி பணியாளர் தேர்வாணையத்தில் 8,594 அதிகாரிப் பணியிடங்கள்
ஐடிபிஐ வங்கியில் எக்ஸிகியூட்டிவ் காலிப்பணியிடங்கள்
ai future project