தேனி மாவட்ட வரைவு வாக்காளர் பட்டியல்: கலெக்டர் வெளியீடு

தேனி கலெக்டர் முரளீதரன் இன்று வெளியிட்டுள்ள வரைவு வாக்காளர் பட்டியலின்படி மாவட்டத்தில் 5 லட்சத்து 53 ஆயிரத்து 059 ஆண் வாக்காளர்கள், 5 லட்சத்து 74 ஆயிரத்து 678 பெண் வாக்காளர்கள், 195 இதர வாக்காளர்கள் உட்பட மொத்தம் 11 லட்சத்து 27 ஆயிரத்து 932 வாக்காளர்கள் உள்ளனர் என்பது தெரியவந்துள்ளது.

ஆண்டிபட்டி தொகுதியில் 2 லட்சத்து 77 ஆயிரத்து 378 வாக்காளர்கள், பெரியகுளம் தொகுதியில் 2 லட்சத்து 85 ஆயிரத்து 205 வாக்காளர்கள், போடி தொகுதியில் 2 லட்சத்து 77 ஆயிரத்து 978 வாக்காளர்கள், கம்பத்தில் 2 லட்சத்து 87 ஆயிரத்து 371 வாக்காளர்கள் உள்ளனர்.

இந்த மாதம் 13, 14, 27, 28 (சனி, ஞாயிறு) கிழமைகளில் காலை 9 மணி முதல் மாலை 5.30 மணி வரை வாக்காளர்கள் சேர்த்தல், நீக்கல், முகவரி மாற்றம் உள்ளிட்ட அத்தனை பணிகளுக்கான சிறப்பு முகாம்கள் நடைபெறும் என கலெக்டர் முரளீதரன் தெரிவித்துள்ளார்.